Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

“Shqipëria shtëpia ime”/ Kurti në Samitin e Paqes: Kemi nevojë për ide që na bëjnë bashkë

Politiko 26 Tetor 2019, 11:03
“Shqipëria shtëpia ime”/ Kurti në Samitin e Paqes:

Kryeministri i zgjedhur i Kosovës, Albin Kurti, ka mbajtur fjalën e rastit në Samitin e Paqes dhe Sigurisë për Evropën Juglindore që mbahet në Tiranë.

Kurti tha se në Tiranë ndihet si në shtëpinë e tij, njësoj si në Prishtinë.  Në çelje të fjalës së tij ai e vuri theksin tek bashkimi që sipas kreut të Vetëvendosje-s është kushti për një paqe të qëndrueshme.

“Ndihem si në shtëpi edhe në Tiranë, por si në Prishtinë. Këtu njerëzit bëhen bashkë dhe e bëjnë këtë për paqe. Bashkimi për paqe është kushti për paqe të qëndrueshme e cila më tutje mundëson të lulëzojnë popujt, shtetet dhe mbarë shoqëria njerëzore. Sot më shumë se kurrë kemi nevojë për ide që na udhëheqin, por edhe ide që na bëjnë bashkë. Ndër rreziqet më të mëdha është ndarja dhe përcarja. Ndaj, samite të tilla janë të vlefshëm për të ardhmen. Njerëzit jetojnë dhe lulëzojnë në bashkësi, kjo është detyra jonë kryesore: Kudo që mundemi t’i bëjmë njerëzit bashkë’, u shpreh Kurti, duke shtuar se angazhimet për paqe garantojnë përparimin.

Ai deklaroi se edhe 30 vjet pas rënies së murit ka ende mure të vegjël që krijojnë ndarje mes kombeve.

“Para 30 vjetëve ka rënë muri që na ndante në kohën e luftës së Ftohtë, që mori fund, mori ftohtësitë e ndryshme pa luftë e nganjëherë edhe me luftë kanë vazhduar se në vend të një muri të madh kemi shumë mure të vegjël që na ndajnë midis nesh e brenda nesh. Për t’i hequr këto mure të vogla që na ndajnë, është e domosdoshme të themi që kemi nevojë për paqe, se nuk ka alternativë të mirë ndaj paqes”, tha Kurti.

Kreu i Vetëvendosje foli edhe për intersat e përbashkëta që ndajnë vendet e Ballkanit, siç janë antarësimi në BE dhe NATO, ku ai përmendi domosdoshmërinë e paqebërjes dhe aktivizimin e vlerave të përbashkëta.

“Pikërisht ky interesi ynë i përbashkët”, tha Kurti – “duhet të bëhet sa më aktiv në rajon dhe më gjerë, në mënyrë që stabiliteti afatgjatë të jetë pasojë e drejtpërdrejt e zhvillimit të drejtësisë dhe demokracisë që duhet t’i ndërtojmë mes vendeve tona.”

Të fundit