Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Shqipëria 'skuqet' nga vatrat e zjarrit; flakët 'përpijnë' dhjetëra hektarë pyje e pisha, zjarrëfikësit vështirësi për t'i vënë nën kontroll

Politiko 2 Gusht 2020, 20:49

Shqipëria është e përfshirë prej disa ditësh nga zjarret. Disa vatra vijojnë të jenë aktive, janë aktivizuar, apo riaktivizuar ditën e sotme në zona të ndryshme të vendit, për shkak të stinës së thatë në të cilën ndodhemi, temperaturave të larta apo pakujdesisë dhe dorës njerëzore. Pavarësisht shkakut, dëme kolosale si këto e kanë koston e lartë pasi dëmtojnë rëndë ekosistemin, në florë dhe faunë.

■ Flakët kanë përfshirë rreth katër hektarë pyll me pisha në Gramsh. Zjarri ka rënë pasditen e djeshme rreth orës 16.00 në Malin e Simanit, në pikën ku ndahen territoret e dy rretheve Gramsh dhe Skrapar dhe ka vijuar edhe gjatë ditës së sotme, i favorizuar nga era, por edhe bimësia e drurët me kurorë. Ndërsa forcat e zjarrfikëses Gramsh pavarësisht mbështetjes nga banorët e zonës, e kanë pasur të vështirë vënien nën kontroll të flakëve për shkak të terrenit të vështirë. Një helikopter i forcave të armatosura, pritet t’ju vijë në ndihmë për izolimin e zjarrit.

■ Po ashtu, një tjetër zjarr me përmasa të mëdha rënë gjatë ditës së sotme në pyllin e Semanit duke djegur pishat dhe shkurret e zonës. Pavarësisht angazhimit të forcave të zjarrfikëses së Fierit ka qenë e pamundur vënia nën kontroll e zjarrit dhe shuarja e flakëve. Vijon puna e zjarrëfikësve për të mos lejuar djegien e kurorës së pishave në Pyllin e Semanit.

■ Flakët gjithashtu kanë përfshirë edhe disa zona të Shkodrës. Njoftohet se, zonat e prekura në të cilat kemi ende vatra zjarri aktive janë Këneta e Domnit, Maja e Zezë mbi Rrjoll dhe Pulaj. Shërbimi zjarrëfikës i kësaj zone bën me dije se situata e vatrës së zjarrit në malin Kolaj, Maja e Zezë, afër fshatit Rrjoll, njësia administrative Velipoje, është ende aktive që prej 4 ditësh.  Terreni tepër i thyer malor dhe era e fortë ka bërë të pamundur izolimin e vatrës së zjarrit, pavarësisht ndërhyrjes së punonjësve të zjarrëfikëses dhe vullnetarëve.

■ Në bashkinë Pukë: Në vendin e quajtur Qaf Qerreti , një vatër zjarri është aktivizuar në orën 6.00 të ditës së sotme. Kjo vatër ka marrë përmasa të papërballueshme, pavarësisht ndërhyrjes së Mzsh Pukë dhe sektorit pyjor Pukë.  Zjarri ka pershkruar sipërfaqe të konsiderueshme pylli pishe, ndërsa sektori zjarrëfikës ka kërkuar nga bashkia që t’i kërkojë KMEC mbeshtetje për ndërhyrje nga ajri.

Deri tani, flakët kanë përshkuar një siperfaqe rreth 20 ha pyll pishe, ndërsa 3 mjete të Mzsh, 7 efektivë, 6 punonjës të sektorit pyjor dhe 10 vullnetarë, po punojnë për shuarjen e zjarrit.

■ Rubik: Është riaktivizuar sërish vatra e zjarrit në fshatin Molung në grykën e Qafë Thanës, mbi fshatin Katund i Vjetër në Rubik. Një sipërfaqe e madhe me lis, shkozë dhe gështenja janë 'përpirë' nga flakët. Mësohet se, flakët e favorizuara nga era e fortë dhe terreni i vështirë, janë përhapur sërish përmasa të frikshme duke djegur një sipërfaqe të madhe pyjore.

Gjendja është kthyer alarmante, pasi njëra prej vatrave po iu afrohet banesave, ku një prej tyre ndodhet vetëm 300 metra larg nga flakët. Kujtojmë se, disa ditë më parë, Forcave të Armatosura të Ministrisë së Mbrojtjes iu deshën 3 orë për të vënën nën kontroll nga ajri zjarrin. Ndërkaq, flakët lanë pas një katastrofë natyrore me dhjetëra hektarë pyje të djegura e qindra kafshë e shpendë të ngordhur.

[caption id="attachment_403139" align="alignleft" width="1040"] Pamje nga vatrat e zjarrit që ende digjen në Gramsh[/caption]

[caption id="attachment_403140" align="alignleft" width="1040"] Pamje nga vatrat e zjarrit që ende digjen në Gramsh[/caption]

[caption id="attachment_403141" align="alignleft" width="1040"] Pamje nga vatrat e zjarrit që ende digjen në Gramsh[/caption]

[caption id="attachment_403142" align="alignleft" width="1040"] Pamje nga vatrat e zjarrit që ende digjen në Gramsh[/caption]

[caption id="attachment_403146" align="alignleft" width="769"] Flaket në Maja e Zezë, njësia administrative Velipojë[/caption]

Të fundit