Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Shqipëria zgjohet sot në ‘shtetrrethim’, në rrugë vetëm ushtria dhe policia

Politiko 22 Mars 2020, 09:46
Shqipëria zgjohet sot në ‘shtetrrethim’, në

Sot e gjithë Shqipëria do të qëndrojë në shtëpi. Kjo pas urdhrit të vendosur nga kryeministri Edi Rama ditën e premte, i cili lajmëroi dhe ndryshimin e orarit të lëvizjes si masë shtesë për parandalimin e përhapjes së koronavirusit.

Pasditen e së premtes, Rama bëri një paralajmërim të fortë për ata që i quan ‘të pabindur’ ose ‘tradhëtarë’.

Ai u shpreh se këta persona, jo vetëm do të ndëshkohen me gjoba, por do u ndërpritet dhe çdo lloj ndihme e shërbimi shtetëror.

“Nga nesër regjimi i lëvizjes ndryshon, sepse nuk kemi asnjë orë e jo më ditë për të humbur me edukimin e të pabindurve, të cilëve shumë shpejt do të detyrohemi t’ua kthejmë me të njëjtën monedhë, jo vetëm duke i ndëshkuar me gjobat e sanksionet në fuqi po edhe duke u ndërprerë çdo lloj ndihme e shërbimi shtetëror”, shkruajti Rama.

Përveç këtij paralajmërimi, dje kryeministri shtoi edhe një tjetër, kur tha se “të gjitha forcat e rendit, nga polici i lagjes, deri tek forcat më speciale, janë të vendosura të përdorin forcën dhe të gjitha mjetet në rast shkelje ligji në tubime të paligjshme deri tej uji e gazi lotsjellës”.

Nga dita e hënë e në vijim fasha orare 5:00-13:00 do të jetë i vetmi moment kur qytetarët do të kenë mundësi që të dalin nga shtëpia për të bërë pazar apo për të shkuar në punë, pas kësaj ore nuk do të ketë më as automjete. Kjo deri në një njoftim të dytë.

Të vetmit që do të jenë në rrugë jashtë këtyre fashave të orarit, do jenë ushtria, policia, njësitë kritike të shërbimit shtetëror, si dhe kompani mediatike.

Të fundit