Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Shqiptarët ndër turistët elitarë në Greqi, vjet shpenzuan 236 milionë euro

Politiko 12 Gusht 2019, 19:05
Shqiptarët ndër turistët elitarë në Greqi, vjet

Ndërsa më përpara shqiptarët dyndeshin drejt Greqisë në kërkim të një jete më të mirë e për të gjetur punë, tani situata ka ndryshuar. Plazhet greke janë destinacioni i preferuar i shqiptarëve, të cilët shkojnë në vendin fqinj për turizëm dhe argëtim.

Konfederata greke e turizmit informon se vitin e kaluar shqiptarët shpenzuan plot 236 milionë euro në Greqi, vetëm për të bërë pushime. Shifra, e cila është gati sa 2 për qind e prodhimit kombëtar të vendit, po rritet me ritme të shpejta nga viti në vit.

Sipas të dhënave të publikuara, vetëm në katër vitet e fundit, shpenzimet që shqiptarët bëjnë për pushime në Greqi janë rritur me 60 për qind, nga 147 milionë euro që ishin në vitin 2015 në 236 milionë euro vitin e kaluar.

Shqiptarët hyjnë te kategoria e turistëve elitarë, të cilët shpenzojnë më shumë edhe se sa turistët e tjerë që vijnë nga vendet e pasura të Evropës. Sipas konfederatës greke të turizmit, vitin e kaluar një turist shqiptar shpenzoi mesatarisht 68.9 euro për çdo ditë qëndrimi në Greqi.

Kjo shifër është më e lartë se sa shpenzimet ditore të turistëve italianë, atyre holandezë, spanjollë, danezë dhe çekë, vende të cilat kanë një standard dukshëm më të lartë jetese së Shqipëria.

Të fundit