Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

‘Shteti është në kolaps, pushteti në zenit’, Manjani: Propozimi im si dilet nga kjo situatë

Politiko 9 Shtator 2018, 09:08
‘Shteti është në kolaps, pushteti në zenit’,

Ish-ministri i Drejtësisë, Ylli Manjani thotë se shteti është në kolaps, pushteti në zenit ndërsa politika thjesht prodhon llafe.

Në një status, të publikuar në rrjetin social Facebook, Manjani jep propozimin e tij për të dal nga kjo situatë.

Ish-ministri shprehet se zgjidhje teknike ka plot dhe duhet thjesht vullnet për të ndërhyrë në Kushtetutë, rishikuar të gjitha ligjet e reja jo konsensuale, për të pastruar strukturat e reja nga emra politikë, vulnerabël ndaj politikës dhe të zgjedhur kundër ligjit si dhe për ta kthyer vettngun në shtratin e gjykimit sipas provave dhe ligjit e jo hamendjeve dhe gjykimit popullor, aq më keq vendimmarrjes politike.

Postimi i plotë i Ylli Manjanit

Propozimi im.

—————-

Shteti është në kolaps. Pushteti në zenit. Politika thjesht prodhon llafe.

Mendoj se fokusi është ndërtimi i shtetit.

Çdo gjë që:

  1. Shkëput strukturën e Vetting nga qeveria dhe faktorë të tjerë politikë;

  2. Ndihmon realisht në pastrimin e drejtësisë nga të paaftët, hileqarët dhe të poshtrit;

  3. Ndihmon për të ngritur sa më parë Gjykatën e Lartë dhe Kushtetuese, me gjykatës të mirë dhe profesionistë;

  4. Pavarëson nga qeveria dhe politika, Prokurorinë dhe hetimin penal;

  5. Ndihmon për të ngritur sa më parë KLGJ, KLP dhe SPAK me emra e cv dinjitoze dhe jo me mbeshtetje politike;

Pra, çdo gjë që ndihmon në hartimin e një kalendari të ri veprimesh për ndërtimin e sistemit të PAVARUR të drejtësisë, ka patur dhe do ketë mbështetjen dhe kontributin tim modest!

Zgjidhje teknike ka plot.

Duhet thjesht vullnet për:

  1. Ndërhyrë në Kushtetutë (në nenet tranzitore )

  2. Rishikuar të gjitha ligjet e reja jo konsensuale;

  3. Pastruar strukturat e reja nga emra politikë, vulnerabël ndaj politikës dhe te zgjedhur kundër ligjit;

  4. Kthyer vettingu në shtratin e gjykimit sipas provave dhe ligjit e jo hamendjeve dhe gjykimit popullor, aq më keq vendimmarrjes politike!!!

Paralelisht duhet po i njëjti vullnet për të ndërtuar një sistem zgjedhor Të NDERSHËM dhe PËRFAQËSUES.

Ja, kaq duhet si për fillim!

Të tjerat vijnë vetë...

 

Të fundit