Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Shteti i parë hapësinor, 25.000 qytetarë evropianë firmosin për tu larguar

Politiko 23 Nëntor 2017, 14:28
Shteti i parë hapësinor, 25.000 qytetarë evropianë firmosin

Me sa duket jemi shumë të lodhur nga planeti Tokë dhe duam të eksplorojmë në hapësirë.

Më shumë se 25000 njerëz nga shtete të ndryshme të Bashkimit Evropian kanë firmosur për të qenë qytetarët e parë të kombit të parë hapësinor të quajtur Asgardia.

I ashtuquajturi kombi virtual u themelua në tetor të viti 2016 nga shkencëtari rus Igor Ashurbyeli.

Ky komb mund të popullohet nga më shumë se 143.000 njerëz. Por si shpjegohet fjala Asgardia. Ajo ka marrë emrin nga një qytet mitologjik dhe cilësohet si një projekt global unifikues dhe shumë humanitar.

Parimet themeluese të tij përfshijnë  sigurimin e përdorimit paqësor  të hapësirës dhe mbrojtjen e planetit Tokë.

Në muajin tetor u lançua sateliti “Asgardia 1”, që çoi të dhënat e qytetarëve të tij në hapësirë, si dhe flamurin dixhital, Kushtetutën dhe emblemën.

SHBA, Turqia dhe Kina kryesojnë listën e vendeve, banorët e të cilëve kanë përfituar nga shtetësia e lire por edhe  dhjetëra evropianë kanë zgjedhur po ashtu të regjistrohen. Sipas të dhënave në faqen e internetit të Asgardias, njerëz nga çdo shtet në Bashkimin Evropian janë pranuar si qytetarë të kombit hapësinor.

Italia ka numrin më të madh të asgardianëve, me rreth 7.000, ndërsa Britania e Madhe ka afro 5.000 qytetarë. Kushdo mbi moshën 18 vjeç, me një adresë “e-mail”-i mund t’i bashkohet Asgardias, me kusht që ata të pranojnë t’i binden Kushtetutës së saj.

Për momentin, ata do t’i mbajnë këmbët fort mbi planetin Tokë, por Asgardia shpreson të krijojë platforma banimi në orbitën e poshtme të Tokës, në të ardhmen. Objektiv kryesor i Asgardias është njohja nga Kombet e Bashkuara. (In Tv)

Të fundit