Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Shtohen rastet me Covid-19 në Shkodër, reagon Voltana Ademi: Qeveria neglizhoi kërkesat tona

Politiko 4 Prill 2020, 11:12

Shtohen rastet me Covid-19 në Shkodër, reagon Voltana Ademi: Qeveria

Kryetarja e bashkisë Shkodër, Voltana Ademi akuzon qeverinë për neglizhencë e si pasojë sot vazhdon të rritet numri i rasteve me Covid-19 në Shkodër.

Sipas Ademit, mbrëmë ka patur një rritje progresive të rasteve të infektuara dhe të përkeqësuara, që më pas janë nisur me urgjencë drejt Tiranës. Ajo shton se asnjë nga kërkesat e drejtuara nga bashkia dy javë më parë nuk u morën në konsideratë nga qeveria.

“Nata e kaluar, fatkeqësisht ka shënuar një tjetër rritje të numrit të të infektuarëve, të konfirmuara nga testimi në Shkodër. Dy persona, të moshës 65 dhe 75 vjeç janë dërguar me urgjencë në Tiranë pas përkeqësimit të gjendjes së tyre shendetësore.

Vazhdojmë të kemi një rritje progresive të rrezikshme për qytetin tonë!

Janë disa nga shenjat e dukshme të neglizhencës së qeverisë në menaxhimin e pandemisë.

Dy javë më parë, në emër edhe të qytetarëve shkodranë kemi kërkuar shtimin e numrit të testeve si dhe informacion lidhur me:

-Numrin e personave që kanë kryer testet.

-Numrin e personave që kanë telefonuar Urgjencën Kombëtare në numrin 127.

-Numrin e individëve që orientohen të qëndrojnë në shtëpi me shenja të dyshuara të epidemisë.

-Numrin e personave që janë orientuar sipas protokollit shëndetësor për analiza paraprake pas shqetësimeve që kanë patur, si dtë dyshuar me COVID-19.

Asnjë nga këto kërkesa nuk u morën parasysh, duke mos bërë as minimumin e transparencës me qytetarët në një moment shumë të vështirë për Shkodrën e Shkodranët. Pa folur për mungesën e mbështetjes për individët dhe familjet në nevojë në të gjithë territorin e vendit.

Këto ditë, lutja ime është për të gjithë është e njëjtë: Të ndihmojmë secili veten me sjelljen tonë të kujdeshme! Distancimi e qëndrimi në shtëpi pakëson rriskun për pasojat për familjet tona, fëmijët e prindërit, për nënat e baballarët, gjyshërit, për të afërmit, për shoqërinë tonë, për jetën e qytetit tonë.

Bashkia Shkodër, do të vazhdojë mbështetjen ushqimore dhe materialet higjienike çdo ditë për individët dhe familjet më në nevojë në territor. Përballja është e vështirë, por jo e pa mundur! Shëndeti është mbi gjithçka!”, shkruan Ademi në FB.

Ministria e Shëndetësisë konfirmoi dje zyrtarisht 22 raste në Shkodër dhe 12 raste të reja vetëm në një ditë. Sipas MSH, shkak i kësaj situate në qytetin verior është bërë mosrespektimi i distancimi social.

https://politiko.al/12-raste-te-reja-ne-24-ore-pse-u-dyfishua-numri-i-te-prekurve-me-covid-19-ne-shkoder/