Flash News

Posta e mëngjesit/ Me 2 rreshta: Çfarë pati rëndësi dje në Shqipëri

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

KRYESORE

Shtyrja e takimit në Uashington, Biberaj: Lajm i mirë, ishte i nxituar dhe i mbështjellë me një tis për shkëmbime të territorit

Politiko 26 Qershor 2020, 10:10
Shtyrja e takimit në Uashington, Biberaj: Lajm i mirë, ishte i nxituar

Ish-zv/president i Asamblesë Parlamentare të Këshillit të Evropës, ish deputeti i PD, Aleksandër Biberaj e cilësoi një lajm të mirë shtyrjen e takimit në Uashington mes Kosovës dhe Serbisë me ndërmjetësimin e emisarit të SHBA, Rihard Grenell.

Duke folur për Euronews Albania, Biberaj tha se takimi po mbahej në mungesë të plotë të informacionit dhe transparencës duke shtuar dyshimet për një marrëveshje të mundshme ku mund të diskutohej shkëmbim territoresh.

“Për Kosovën nga njëra anë kemi një imazh të prishur në skenën politike ndërkombëtare, por takimi i 27 qershorit nuk ishte transparent dhe ishte i shpejtuar, ka qenë i mbështjellë me një tis për shkëmbime të territorit. Ka pasur edhe një element tjetër negativ pasi ka pasur një shkëputje nga BE. Kosova nuk mund të kuptohet pa BE pasi është pjesë e Evropës”, tha ai.

Sipas Biberajt, dalja e kësaj aktpadie tri ditë para takimit në Uashington nuk është e rastësishme.

“Kjo që ndodhi është edhe një reagim edhe politik. Ka dy hipoteza nga ku mund të ketë dalë kjo aktakuzë; mund të ketë ardhur nga SHBA, pasi një prokuror i zgjedhur vetëm para dy vitesh nuk mund të jetë edhe aq i pavarur nga administrata. Kujtojmë që vetëm pak ditë më parë Vuçiç u takua me Putin, dhe nuk mund të jesh në Moskë e pas dy ditësh në Uashington.

Mund të ketë ardhur edhe nga BE sepse e ndjeu veten të lënë pas dore, takimi ishte jo transparent i veshur me mister. Por pavarësisht të gjithave shtyrja e takimit të Uashingtonit ishte pozitive”, deklaroi Biberaj.

Të fundit