Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

‘Shullazi’, PD: Dënimi do ishte më i rëndë nëse s’do kishte mbështetje politike, prapa hekurave duhet të jetë edhe Çyrbja

Politiko 13 Nëntor 2018, 18:12
‘Shullazi’, PD: Dënimi do ishte më i rëndë

Partia Demokratike ka reaguar pas vendimit të Gjykatës e cila dha vendimin duke dënuar me 54 vite burg të ashtuquajturit grupi ‘Shullazi’.

Në deklaratën e saj, PD thotë se nëse Emiljano Shullazi dhe banda e tij, nuk do të kishin mbështetjen e qeverisë, dënimi do të ishte sot shumë më i rëndë dhe se ata  nuk do të ishin dënuar vetëm për gjobëvënie, por edhe për krime të tjera të rënda.

“Dënimi i bandës së Shullazit është një betejë ende e pafituar plotësisht.

Prapa hekurave duhet të jenë edhe anëtari me pushtet politik i bandës, deputeti i PS Jurgis Çyrbja”, thekson PD.

Deklarata e plotë

Sot gjykata dënoi bandën e Emiljano Shullazit, që u arrestua vetëm falë denoncimit dhe betejës së pandërprerë të PD, si  dhe mbeshtetjes së SHBA.

Nëse Emiljano Shullazi dhe banda e tij, nuk do të kishin mbështetjen e Qeverisë së Edi Ramës, dënimi i bandës do të ishte sot shumë më i rëndë. Ata nuk do të ishin dënuar vetëm për gjobëvënie, por edhe për krime të tjera të rënda, që janë lënë pa zbuluar, pasi policia dhe drejtësia kanë mbyllur sytë.

Kjo bandë është autore e disa vrasjeve, e trafikut të drogës, shkatërrimit të pronës me eksploziv, grabitjes së pasurive të paluajtshme. Në vend të dënimit të merituar, Edi Rama i ka dhënë pushtet edhe në burg Emilano Shullazit për të emëruar deputetë, drejtues të institucioneve vendore  e qendrore.

Dënimi i bandës së Shullazit është një betejë ende e pafituar plotësisht

Prapa hekurave duhet të jenë edhe anëtari me pushtet politik i bandës, deputeti i PS Jurgis Çyrbja.

Përgjimet e prokurorisë faktojnë se deputeti Jurgis Çyrbja ishte një anëtar aktiv i bandës së Shullazit dhe informonte bandën për hetimet e prokurorisë.

Shqiptarët presin sot përgjigje nga prokuroria: kur do të arrestohet dhe të vihet përpara drejtësisë Jurgis Çyrbja, si anëtar i bandës së Emiljano Shullazit?

Po Edi Rama dhe Saimir Tahiri a do të hetohen dhe të vihen përpara përgjegjësisë për mbështetjen shtetërore që i kanë dhënë bandës së Emiljano Shullazit?

Drejtësia do të bëhet e plotë!

Edi Rama, Saimir Tahiri dhe Jurgis Çyrbja, shumë shpejt do të kenë fatin e Shullazit!

Të fundit