Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

'Shumë e ashpër me gazetarët dhe e butë me trafikantët', eurodeputetët kritika qeverisë shqiptare gjatë seancës në Parlamentin Europian

Politiko 22 Qershor 2020, 18:10
'Shumë e ashpër me gazetarët dhe e butë me

Është mbledhur pak më parë Komisioni i Jashtëm i Parlamentit Europian. Mësohet se në rend të ditës janë edhe negociatat e Shqipërisë me Bashkimin Europian.

Në diskutim e tij raporteri për Shqipërinë David Lega, vlerësoi qëndrimin e Presidentit Meta në mbrojtje të Kushtetutës, ndërsa shtoi se Shqipëria është në rrugën e çeljeve të negociatave për anëtarësim në Bashkimin Europian, por ende priten rezultate konkrete për realizimin e reformave kyçe.

“Janë 15 kushte që Shqipëria duhet të plotësojë para vendimit për hapjen e negociatave me BE.”

Ai u ndal edhe në domosdoshmërinë e ashpërsimit të luftës kundër krimit të organizuar dhe drogës. Me nota kritike foli për qeverinë teksa tha se tregohet shumë e ashpër me gazetarët edhe e butë me trafikantët. Pa ndryshuar ky raport sipas tij, s’ka çelje negociatash.

Në mbledhje Koordinatori i PPE Michael Gahler tha se Komsioni Europian ka detyrën të shpjegoi autoriteteve dhe publikut në Shqipëri se këto 15 kushte janë një gjë shumë serioze. A e ka bërë këtë Komisioni Europian? A e ka bërë ketë Delegacioni i BE në Tiranë? Pres përgjigje nga përfaqsuesit e Komisionit Europian që sot janë thirrur në mbledhjen tonë.

Gahler shtoi se nuk ka asnjë informacion se çfarë po bëhet me dosjet e shit- blerjes së votave, 184 dhe 339 të bandave të Durrësit ku i përfshirë ka qenë dhe ish- kryebashkiaku Vangjush Dako.

"Ka dy çështje: dosja  184 në Dibër dhe dosja 339 në Shijak. Ato po hetohen prej tre vjetësh por nuk kemi akuza nga prokuroria por vetëm lajme se po pengohet drejtësia. Kjo edhe mbasi zyrtare nga shtetet antare kanë apeluar që në keto raste të ketë hetim e përballje me gjykatën. A mendoni se do të kemi zhbllokim të ketyre dy rasteve kur të prezantoni Kuadrin Negociator? A ja keni bërë të qartë këtë kusht qeverisë, shoqërisë civile dhe publikut shqiptar?", tha Gahler.

Raportuesja për Shqipërinë, Isabel Santos në fjalën saj theksoi nevojën për vazhdimin e reformës në drejtësi, me theksin se është  ngadalësuar si pasojë e pandemisë së Covid 19.

“Ne kemi folur për zbatimin e masave, për të luftuar krimin e organizuar dhe korrupsionin dhe të gjitha këto përpjekje duhet te rinisin me ritmin qe kishin përpara pandemisë. Dua të theksoj rëndësinë e rolit të delegacionit të Bashkimit evropian dhe të Ambasadorit të Bashkimit Europian në Tiranë në promovimin e dialogut”, u shpreh Santos.

Raportuesja për Shqipërinë në PE: Reforma në Drejtësi është ngadalësuar për shkak të pandemisë

Të fundit