Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Si ambasadori Lu prezanton Shqipërinë tek amerikanët. Përmend ushqimet, bukuritë natyrore dhe librin e Fatos Lubonjës

Politiko 13 Prill 2018, 16:36
Si ambasadori Lu prezanton Shqipërinë tek amerikanët.

Ambasada amerikane, ka publikuar një video nga fjala që ambasadori Donald Lu ka mbajtur para Vullnetarëve të Korpusit të Paqes, dhe ku bën një prezantim të Shqipërisë.

Ambasadori u thotë të pranishëm se po jetojnë në një vend me disa nga ushqimet më të mira se kudo jashtë Amerikës ku ai ka jetuar thuajse në 30 vjet. Ai përmend gjithashtu bukuritë natyrore teksa e cilëson popullin shqiptar si popullin më miqësor dhe më proamerikan në botë.

Donald Lu ndalet edhe tek historia dhe periudha kur Shqipëria ishte në komunizëm. Në këtë pikë, ambasadori thotë se ka lexuar librin e Fatos Lubonjës, ‘Ridënimi’ ndërsa e mbyll fjalën e tij duke thënë se Shqipëria është një vend ku historia ka rëndësi.

Fjala e plotë e ambasadorit Donald Lu

Ju jeni një grup me shumë fat që së shpejti do bëheni vullnetarë të Korpusit të Paqes. Po jetoni në një vend me disa nga ushqimet më të mira se kudo jashtë Amerikës ku kam jetuar thuajse në 30 vjet.

Bukuria natyrore më kujton shtëpinë time në Karlifoninë Jugore. Dhe populli më miqësor dhe më proamerikan në botë.

Por më shumë se kaq, ju do të keni mundësi të bëheni miq dhe të mësoni për këtë kulturë në një mënyrë që pak të huaj do të përjetojnë ndonjëherë.

Për të kuptuar heroizmin dhe sakrificën e popullit shqiptar, është thelbësore të njihni historinë e tij.

Shqiptarët e brezit tim,  njerëz që kanë jetuar nën komunizëm, kanë plagë të thella dhe të vërteta të fshehura. Mendoja se e kisha kuptuar tragjedinë e komunizmit shqiptar. Më pas lexova librin ‘Ridënimi’ nga ish i burgosuri politik Fatos Lubonja dhe u bë e qartë se as nuk kisha filluar ta kuptoja betejën, tradhtinë dhe guximin e njerëzve që jetuan gjatë asaj periudhe të historisë.

Njerëzit e moshës tuaj kanë gjithashtu histori të mrekullueshme rreth vullnetit absolut për të mbijetuar gjatë pasigurisë pas rënies së komunizmit dhe kaosit të trazirave dhe pragun e luftës civile të viteve 1990-të.

Ky është një vend ku historia ka rëndësi.

Të fundit