Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Si e sheh Europën në 2050? Bregu mesazh Unionit: Të thyejmë barrierat! BE të flasë me Ballkanin në të njëjtën gjuhë

Politiko 29 Gusht 2020, 11:59

Sekretarja e Përgjithshme e Këshillit të Bashkëpunimit Rajonal, Majlinda Bregu, në një reagim të saj referuar çështjes së integrimit, i kërkon Bashkimit Europian të flasë me një gjuhë kur vjen puna për Ballkanin.

Bregu thekson se duhet bërë një “lexim” i qartë i situatave politike në rajon, me qëllim që të mos përsëriten ngjarje të pakëndshme nesër.

“Në globsecthinktank,njëra nga pyetjet ishte si e shoh Europën e 2050. Meqë s’ i kam qejf parashikimet, për më tepër të papriturat si covid19 na e kanë bërë jetën edhe më të pasigurt, nuk di të them a pata përgjigje të saktë. Por, di që sot po nuk u lexua realiteti sic është në rajon, do të jetë përsëri vonë nesër”, shkruan Bregu.

Për Bregun, vlerë e shtuar gjatë këtij procesi është qasja e ekonomive tona sa më shpejt të jetë e mundur me ato të vendeve të BE. Një gjë e tillë, thekson ajo, bëhet për t’i dhënë mundësinë biznesit të jetë pjesë e zinxhirit të prodhimit të Unionit, pavarësisht se nuk jemi ende anëtar.

“Shumë gjëra i kemi në dorë vetë, prandaj duhet të nxitojmë që nesër të mos jetë përsëri vonë”, shkruan Bregu.

Reagimi i plotë i Bregut:

Se mos thoni pse po qesh. Se në panelin ku mora pjesë sot globsecthinktank,njëra nga pyetjet ishte si e shoh Europën e 2050. Meqë s’ i kam qejf parashikimet, për më tepër të papriturat si covid19 na e kanë bërë jetën edhe më të pasigurt, nuk di të them a pata përgjigje të saktë. Por, di që sot po nuk u lexua realiteti sic është në rajon, do të jetë përsëri vonë nesër.

Pas gjithë këtyre viteve e kam më të qartë se s’është vetëm negociata e arsye politike. Duhet të qasim ekonomitë tona sa më shpejt me atë të vendeve të BE t’i japim biznesit mundësi që edhe pa qenë vend anëtar të jetë pjesë e zinxhirit të prodhimit e furnizimit në/edhe me BE.

Të thyejmë barrierat e letrave e lëvizjes të njerëzve e profesionistëve në rajon, të transferojmë teknologjinë sa më shpejt. Do të ishte ideale që BE të fliste me një gjuhë për Ballkanin, por po aq që të jemi të qartë se shumë kemi në dorë vetë.

Të fundit