Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

“Si i mashtroi qytetarët”, ish-deputetja denoncon: KQZ publikoi dokumentin e falsifikuar nga Taulant Balla

Politiko 7 Korrik 2019, 17:36
“Si i mashtroi qytetarët”, ish-deputetja denoncon: KQZ publikoi

Ish-deputetja Oriola Pampuri, në një dalje nga selia blu ka bërë publik një dokument të falsifikuar të Taulant Ballës, lidhur me votimet e 30 qershorit.

"KQZ-ja si fabrikë fasonerie. Punon me materiale gjysmë të gatshme, të cilat i vijnë  nga zyra e Edi Ramës dhe bandës së tij", është shprehur Pampuri.

KQZ ka publikuar  herë pas here shifra paradoksale përsa i përket votimeve, ku në qarkun e  Elbasanit  kryebashkiaku Gledian Llatja ka marrë 4,983 vota më shumë se numri i votuesve të deklaruar, një vëzhgim i bërë nga Instituti i Studimeve Politike.

 

Deklarata e Orjola Pampurit

Komisioni Qendror i Vjedhjeve po tenton të mbulojë me heshtje skandalin më të madh të ndodhur ndonjëherë në këtë institucion: fabrikimin e të dhënave zyrtare për t’i shërbyer propagandës së Edi Ramës për 30 Qershorin.

Sot do të faktojmë me prova të pakundërshtueshme skemën e denoncuar më parë nga Partia Demokratike se pjesëmarrja dhe rezultatet e votimeve të paligjshme të 30 Qershorit paracaktohen nga Edi Rama dhe më pas publikohen nga Komisioni Qendror i Vjedhjeve.

Skandali i 3 mijë votave më shumë të kandidatit në Elbasan sesa u gjendën fletë votimi në kuti, e provon këtë.

Nga nxitimi për të mbuluar skandalin, KQZ-ja publikoi dje një dokument tjetër me të dhëna të ndryshuara, duke fshirë shtesën e 3 mijë votave te kandidatit socialist mbi fletët e gjendura në kuti. Mediat e morën këtë informacion nga Taulant Balla, i cili publikoi i pari në facebookun e tij linkun e KQZ-së me të dhënat e ndryshuara për Elbasanin.

Në fakt,  ajo që ka ndodhur në të vërtetë, është që ky dokument i fallsifikuar është prodhuar fillimisht nga Taulant Balla dhe më pas është hedhur në faqen e KQZ-së, duke e faktuar atë jo si një institucion në shërbim të votës së qytetarëve, por në shërbim të matematikës hajdute të Edi Ramës dhe Taulant Ballës.

Më konkretisht, facebook-u i Taulant Ballës dhe faqja e KQZ-së na ndihmojnë për të bërë transparencë për shpërdorimin e detyrës nga KQZ dhe fallsfikimin e dokumentave  nga Taulant Balla për të mashtruar qytetarët.

  1. Taulant Balla publikoi dokumentin e fallsfikuar për Elbasanin dje në orën 11.58 minuta në përpjekje për të sulmuar opozitën dhe për të mohuar skandalin e 3 mijë votave.

  2. Ky dokument, deri atëherë nuk ekzistonte në KQZ, por 16 minuta më vone, në orën 12.14, fallsfikimi u publikua në ëebsite-n e KQZ-së, në të njëjtin vend me dokumentin e mëparshëm të 3 mijë votave më shumë për kandidatin, sesa fletë të gjendura në kuti.

  3. Rrethi mbyllet aty ku nisi. Në 12.35, siç tregon facebook-u, Taulant Balla e veshi mashtrimin me linkun zyrtar të KQZ-se, të cilin e kishte prodhuar vetë.

Ky është një rast skandaloz që e vendos KQZ-në në pozitën e një fasoni, që punon me materiale gjysëm të gatshme, të cilat i vijnë  nga zyra e Edi Ramës dhe bandës së tij.

Taulant Balla është përfshirë në listën e personave që kanë kryer krim zgjedhor dhe bashkë me, Denar Bibën dhe kamikazë të tjerë do të paditen për shpërdorim detyre, fallsfikim dhe manipulim të votës.

Ajo që na takon ne, shqiptarëve që refuzuam maskaradën e Edi Ramës më 30 Qershor, është vazhdimi i betejës deri në largimin e tij. Pjesëmarrja sa më e madhe në protestën e nesërme në orën 20.00 është përgjigja më e mirë kundër regjimit më të korruptuar dhe më të kriminalizuar në Europë!

 

Të fundit