Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Siguria në urbane, Tritan Kalo kritika Policisë Bashkiake të Tiranës: Kontrollet tuaja s'i hyjnë në punë kujt nëse fshehin realitetin

Politiko 19 Gusht 2020, 10:03

Mjeku Tritan Kalo u ka tërhequr vëmendjen qytetarëve dhe Policisë bashkiake të Tiranës për papërgjegjshmërinë e treguar ndaj situatës së pandemisë.

Përmes një mesazhi në rrjetet sociale, Kalo kritikon qytetarët për mos për mos respektimin e masave të sigurisë anti-Covid, në mbajtjen e maskave në ambientet e mbyllura.Ndërkaq, i pa kursyer është treguar edhe ndaj Policisë Bashkiake, e cila sipas mjekut bën “foto gjoja sikur respektohen masat nga udhëtarët në transportin publik, sa për t’ua treguar superiorëve.”

Kalo shton se kontrollet e Policisë Bashkiake Tiranë nuk i hyjnë në punë kujt nëse fshehin realitetin. Sipas mjekut, “reagimi ynë si qytetarë nuk mungon por ligjin në këtë rast duhet ta zbatojnë organet ligjzbatuese”, me qëllim që të ndëshkojnë qytetarët e pabindur.

“Boll janë bërë punë sa për t’u dukur në këto 30 vite Demon-kraci”, thekson mjeku, ndërsa bën thirrje për të vepruar tani.

Mesazhi i mjekut:

KOHË KOVIDIANE….18.08.2020….KONTROLLET e Policisë Bashkiake në Tiranë nëpër autobuzët urbanë, sa për të dërguar foto te superiorët se gjoja aty zbatohet mbajtja e maskave nga të gjithë udhëtarët, NUKU i vlejnë askujt NËSE ato fshehin realitetin…..RËNIA në kënaqësi dhe mos marja e masave NUKU i shërbejnë përballjes së suksesëshme me SFIDËN ndaj Sars-Cov2/Covid-19….UNË jam përdorues i rregullt i këtyre linjave, dhe ajo që shoh tregon se jo pak individë, POR sidomos të grup-moshës 18-35 vjeç hynë në këto autobuza pa maska….

Njëkohësisht jo pak prej tyre vrëngosen kur u kërkon të rinë pak të distancuar nga të tjerët, pa përmëndur edhe paedukatësinë e tyre në motivimin e kësaj sjedhje të rrezikshme për ata/ato vetë ose për të tjerët rreth tyre….Agjensitë e lajmeve shprehen prej shumë ditësh e në shumë gjuhë të Botës se: “Një nga arësyet e shtimit të rasteve të infektimit nga Sars-Cov2/Covid-19, është mos zbatimi i rregullave bazë të distancimit fizik, mbajtjes së maskave në mjedise të mbyllura apo aty ku nuk është e mundur respektimi i kësaj distance nga moshat reja.”….NË Shërbimin e Sëmundjeve Infektive të QSUT ose në Spitalin Covid-19 janë shtuar rastet e shtrimeve të të rinjve si edhe humbjet e jetës prej tyre…..

Infeksioni nga Sars-Cov2/Covid NUKU po njeh më moshë prekje si dhe marje jete……Reagimi ynë si qytetarë NUKU mungon por LIGJIN në këtë rast DUHET ta zbatojnë organet Ligjzbatuese, ku hyn edhe POLICIJA BASHKIAKE duke mos i lejuar vijimin e udhëtimit këtyre shtetasve të pa bindur, për të evituar ndërkohë përplasjet verbale dhe ndoshta edhe fizike në mes të qytetarëve, të cilët udhëtojnë në këto linja të qarkullimit urban…..PUNË sa për t’u dukur boll janë kryer në këto 30 vite DEMON-KRACI…..FLITET për të mbrojtur jetët tona nga një rrezik i mundshëm infektimi në këto linja urbane, prej individëve të PANDËRGJEGJËSUAR…..ACT NOW!!!