Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Sindikata e Futbollistëve reagon për dhunën në Pukë: Turp! Akte të dënueshme penalisht

Politiko 19 Korrik 2020, 18:10

Sindikata e Futbollistëve reagon për dhunën në Pukë:

Dhuna e ushtruar gjatë sfidës Tërbuni-Egnatia në Pukë ka ngjallur edhe reagimin e Sindikatës së Futbollistëve.

Në përfundim të ndeshjes, ndaj futbollistëve dhe stafit të ekipit mik u ushtrua dhunë, një ngjarje e cila ka sjellë një reagim zinxhir.

Sindikata e Futbollistëve e konsideron futbollin shqiptar "në krizë identiteti" dhe dënon dhunën e ushtruar.

Në reagim nënvizohet se përgjegjësit do të ndiqen penalisht, teksa dhuna në futboll është një turp dhe akt i dënueshëm.

Reagimi i plotë:

Të nderuar miq!

Që futbolli shqiptar është në një krizë identiteti ky është një fakt që të gjithë e dimë por pakkush e thotë me zë të lartë.

Edhe kur ne flasim përsëri është dikush që do të na kundërvihet duke u bërë avokat i padrejtësisë.

Ajo që ndodhi dje në Pukë ishte jo vetëm e turpshme por edhe e dënueshme penalisht.

Kemi kërkuar me kohë që të miratohen nismat ligjore për privatizimin e klubeve të futbollit në pronësi të bashkive.

Vetëm në këtë mënyrë do të shmangim dhunën që vjen nga përfaqësuesit e politikës.

Nisur nga ngjarjet e djeshme i bëjmë thirrje policisë së shtetit që menjëherë të nisë hetimet për të vënë para përgjegjësisë penale të gjithë personat përgjegjes qofshin përfaqësues të bashkisë, klubit të sportit, policisë private apo kushdo tjetër i përfshirë në ushtrimin e dhunës ndaj futbollistëve dhe stafit teknik të K.F. Egnatias.

Gjithashtu një thirrje të fortë i bëjmë futbollistëve që të mos bëhen pjesë e dhunës dhe të kërkojnë marrjen e rezultatit sportiv me dhunë.

Duhet të mendoni se, sot ata që ju dhunoni, nesër do të jenë shokët tuaj te skuadrës.

Futbolli i cili është pasioni ynë, është spektakli që duhet të na bashkojë me njëri-tjetrin.

Ndërsa dhuna nuk duhet të jetë në ADN-ën tonë.

Nisur nga këto ngjarje të renda ku po vihet në rrezik jeta e futbollistëve, Sindikata i kërkon FSHF dhe Policisë së Shtetit që nga edicioni i ardhshëm futbollistik rendi në stadiume të ruhet nga policia e shtetit.

Po për ne, Sindikatën e Futbollistëve Profesionistë Shqiptarë, këmbanë alarmi është shkaku për të cilën u dhunuan futbollistët e Egnatias.

Ata u akuzuan dhe u dhunuan se po luanin për Dinamon.

Ky fakt i dhimbshëm, por dhe disa dhjetra përpara tij, tregojnë se futbolli shqiptar e ka humbur besimin tek gara e ndershme.

Janë drejtuesit e klubeve ata që besojnë dhe trajnerët ata që akuzojnë në këtë fund kampionati se rezultati sportiv nuk vjen nga fusha e lojës por nga tavolinat e lokaleve ku fatet sportive të klubeve te futbollit ndryshojnë si gotat e verës.

Që futbollistëve , klubeve të futbollit, presidentëve, zyrtarëve të FSHF si dhe tifozëve t’ju kthehet futbolli i vërtetë duhet që jo vetëm protagonistët e kësaj ngjarje të dënohen në mënyrë shembullore pasi kanë rrezikuar jetën e futbollistëve por në mënyrë shembullore të dënohet çdo person që me subjektivizmin e tij ka devijuar rezultatet e gares.