Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Sinjale dialogu për Reformën Zgjedhore, Bardhi: Propozuam një mekanizëm për një produkt të përbashkët me mazhorancën

Politiko 24 Tetor 2019, 11:54

Sinjale dialogu për Reformën Zgjedhore, Bardhi: Propozuam një

Ndërsa mazhoranca dhe opozita parlamentare kanë diskutuar të ndarë nga opozita e bashkuar lidhur me ndryshimin e Reformës Zgjedhore, duket se palët po tentojnë të afrohen mes tyre.

Sekretari i përgjithshëm i PD, Gazmend Bardhi tha në një prononcim për mediat pas përfundimit të mbledhjes një orëshe të grupit të punës së opozitës së bashkuar se prej saj ka dalë produkti i parë.

Sipas Bardhit, është propozuar një mekanizëm për të patur një produkt të përbashkët edhe me palën tjetër, ndërsa i ‘hodhi topin’ mazhorancës, duke thënë se tashmë e ka ajo në dorë që të kujdeset që platforma të jetë gjithëpërfshirëse, ashtu siç përcaktohet edhe në një prej 9 kushtet e Bundestagut gjerman për nisjen e bisedimeve për anëtarësim në BE.

Intervista e Bardhit:

Çfarë u diskutua në mbledhjen e grupit të punës?

Grupi i punës ka nisur mbledhjen me dy tema kyçe për reformën zgjedhore, nga të cilat kemi produktin e parë.

Mbledhja e grupit të punës të ekspertëve të opozitës është tregues i angazhimit të opozitës së bashkuar në reformën zgjedhore, sic kemi bërë të ditur që nga momenti kur reforma gjithëpërfshirëse me kontribut të gjitha partive politike u shndërrua në një kërkesë të Bundestagut gjerman për negociatat, opozita mori angazhimin për të dhënë kontributin e vet të sinqertë në këtë reformë.

Madje, kemi propozua edhe një mekanizëm për të patur një produkt të përbashkët edhe me palën tjetër.

Reforma zgjedhore nuk mund të jetë ceshtje e parlamentit, heshtjet që lidhen me këtë reformë janë përcaktim i rregullave të lojës për partitë politike që marrin pjesë në zgjedhje.

Në zgjedhje marrin pjesë partitë politike, jo parlamenti. Janë partitë që me konsensus të caktojnë rregullat e lojës për pjesëmarrje në zgjedhje. Ndaj, opozita ka qenë angazhuar tërësisht jo vetëm në propozime konkrete që lidhen me reformën, për të dhënën kontribut të përbashkët edhe me palën tjetër me kuvendin monist që vazhdon punën në kuadër të një të të tëri në komisionin e reformës zgjedhore.

Produkti i sotëm i opozitës u dakordësua me partitë e koalicionit, mbledhja e ardhshme të hënën në orën 18.00. pra, është përcaktuar edhe një axhendë pune.

Cili është ky produkt?

Sot përmbyllëm dy heshtjet kryesore, që lidhen me financimin e fushatave dhe partive dhe administrimi i procesit zgjedhor .

Mekanizmi i propozuar mbetet i njëjtë me atë të tryezës së OSBE në 25 shtator, pra me pjesëmarrje të ndërkombëtarëve?

Ne i kemi propozuar palës tjetër një mekanizëm për tu angazhuar bashkarisht në përmbushjen e një nga e kushteve të hapjes së negociatave, për një reformë zgjedhore e vërtetë, ku në fakt do duhet të ishte qeveria që ti shtronte dorën opozitës për realizmin e këtij kushti të Budnestagut, e cila e bëri të qartë që kërkon reformë me pjesëmarrjen e të gjitha partive politike. Ky është kushti që duhet të përmbushet për negociatat.

Pra, është i njëjti propozim, ne presim përgjigje nga pala tjetër. Është detyrë e qeverisë, sic tha edhe kryeministri Italian, që të bënte pjesë e këtij procesi opozitën.

Kemi qeveri të papërgjegjshëm opozita e bashkuar ka propozuar mekanizëm si të bëhemi bashkë për të realizuar këtë kusht të Budnestagut.

Këto propozime, si do ti diskutoni me mazhorancën? Do ketë përfaqësim në nivel teknik, do thërrasë një tryezë nëse nuk bini dakord për këtë strukturë të posaçme?

Ne kemi propozuar mekanizëm si gjykojmë ne bashkëpunimin e kërkuar në kuadër të reformës. Për sa kohë s’ka refuzim të arsyetuar të palës tjetër mbi këtë propozim tregon se ka mungesë vullneti bashkëpunimi me opozitën. Detyra jonë të kemi gati kontributin e opozoitës në këtë reformë, detyra e palës tjetër është të mendojë për interesin e qytetarëve.

E kundërta do ishte thellim i krizës, prova e fundit se Rama nuk është i interesuar për integrimin e vendit në BE.