Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Sipërmarrësit e Vorës i qahen Bashës për tërmetin dhe koronavirusin: S’kemi xhiro fare; ç’ju premton kryedemokrati

Politiko 24 Qershor 2020, 17:31

Sipërmarrësit e Vorës i qahen Bashës për tërmetin

Kryetari i Partisë Demokratike, Lulzim Basha ishte sot në Vorë ku zhvilloi takime me sipërmarrësit e vegjël dhe fermerët e kësaj zone.

Ata i janë ankuar Bashës për largimin e banorëve pas tërmetit dhe pandemisë, duke u shprehur se mungesa e xhirove ditore po shpie në mbylljen e bizneseve.

“Zero, zero! Ne jemi keq edhe më tërmetin, s’ka njerëz fare, s’ka banorë. Janë larguar 50% e banorëve” - shprehet një tregtar i cili nuk ka kujt t`i shërbejë më në lokalin e tij.

“Shumë prej tyre kanë mbyllur aktivitetin dhe shumë të tjerë ta mendojnë seriozisht shpalljen e falimentit. Sipërmarrës të tjerë, u ankuan për uljen drastike që xhiroja ditore ka pësuar në shume biznese të zones”, shkruan zyra e shtypit në PD.

“Unë jam i mbytur, i zhytur në borxhe, me siklete e me ashtu. S’kam ç’bëj. Marrin me listë, të paktën vetëm në kohën e koronavirusit nja 700 – 800 mijë lekë”- shprehet pronari i një dyqani mishi në qendër të qytetit i në 35 vite punë në të njëjtin dyqan po vuan krizën e thellë të konsumit.

Pas takimeve me bizneset, Basha u ndal në Marikaj ku dëgjoi shqetësimet dhe problemet e fermerëve të zonës. Mungesa e tregut dhe subvencioneve ka penalizuar shumë prej tyre. Zona njihet për tregtinë e perimeve të ndryshme, por mungesa e tregut e bën shumë të vështirë nxjerrjen e produkteve nga serat.

"Tregu më dobët, s’ka. Këtë vit njëherë, është shumë dobët. Shumë, shumë dobët” - thotë një nga fermerët.

Fermerët e Vorës u ankuan për rritjen e kostos dhe uljen e fitimit dhe mungesën e subvencioneve.

"Subvencione nuk ka fare. Zero, zero", - thotë një tjetër banor që jetesën e familjes së tij e ka të varur nga prodhimet bujqësore.

Ata shprehen se puna e tyre nuk vlerësohet, pasi nuk njohin asnjë ndihmë nga shteti dhe gjithçka e bëjnë vetëm me forcat tyre.

Kreu i opozitës Basha garantoi fermerët dhe bizneset se qeveria e ardhshme do jetë në krah të tyre. Taksat dhe lekët e shqiptarëve nuk do të shkojnë më për 5 veta.

“Morëm vesh dje, kanë bërë një pagesë tjetër për inceneratorin, 500 mijë euro. Sa biznese mund të ndihmoheshin me këto? Thjesht të paguanin punëtorin, mos të hiqnin punëtorin nga puna. Se këto taksat tuaja janë. Do çlirojmë mundësitë, të punoni të gjithë edhe sipas mundësive që, sigurisht do vijnë duke u rritur, kur të çlirohet ekonomia edhe ju të fitoni, të punësoni, të ketë mirëqenie. 5 veta! S’mund të jetë Shqipëria e 5 vetave”, - u shpreh Basha, shkruan zyra e shtypit në PD.