Flash News

Berisha uron Trump për pavarësinë e SHBA-ve: Kremtim që vjen pas fitores mbi regjimin e Ajatollave

Trafikonin armë nga Kosova drejt Shqipërisë, dy të arrestuar, sekuestrohen 8 pistoleta

Kur nderi ‘vret’ më shumë se dhuna, Lediona Braho për Politiko: Incesti, një problem i heshtur në shoqërinë shqiptare

Vijon zjarri në inceneratorin e Elbasanit, tymi toksik rrezikon shëndetin e qytetarëve

SHBA feston 249-vjetorin e Pavarësisë

KRYESORE

Sistemi zgjedhor danez: A u propozua nga ambasadorja amerikane? Basha dhe Rama nuk dinë 'gjë'

Politiko 20 Maj 2020, 21:28
Sistemi zgjedhor danez: A u propozua nga ambasadorja amerikane? Basha dhe Rama

Dje, kryetari i PR-së, Fatmir Mediu, u shpreh se opozita nuk e ka braktisur Këshillin Politik të Reformës Zgjedhore. Lidhur me këtë ai ka zbuluar një propozim interesant, për të cilin tha se erdhi nga ambasadorja e SHBA-së për Reformën Zgjedhore: modeli i sistemit danez, pra sistem me lista të hapura.

Sipas Mediut, ky propozimi i ambasadores duhej vlerësuar, si një sistem që mund të përshtatet me klimën politike në Shqipëri.

Po ashtu deputetja Rudina Hajdari ka konfirmuar para mediave se njw propozim i tillw është bërë nga ambasadorja amerikane Yuri Kim.

Por, kryedemokrati Basha, ish deputetja demokrate Grida Duma, si edhe kryeministri Rama nuk janë në dijeni. Të paktën kështu janë prononcuar. Pas protestës të Aleancës për teatrin, kryedemokrati Basha pohoi se nuk ka dijeni për asnjë propozim amerikan, për ndryshimin e sistemit zgjedhor në vend.

“Nuk kam parë asnjë propozim amerikan”, u shpreh Basha kur u pyet nga gazetarët për propozimin e ambasadores së SHBA në Tiranë Yuri Kim, për një sistem zgjedhor danez.

Edhe ish deputetja demokrate Grida Duma, ka thënë mbrëmjen e sotme se PD dhe ajo personalisht nuk kanë deri tani në asnjë propozim konkret për aplikimin e sistemit zgjedhor danez në Shqipëri, sistem me lista të hapura.

“Nuk kemi një projekt konkret. Unë për vete nuk e kam lexuar. Nëse është ndonjë propzoim amerikan unë them duhet ta lexojmë me vëmendje. Është një propozim për tu parë më vëmendje.

Pak a shumë kam dijeni për sistemin danez, aplimikim e listave të hapura që bëhet atje. Por ne ende nuk kemi lexuar një variant të tillë. Unë personalisht nuk e kam lexuar”, tha Duma në RTV Ora.

Kryeministri Rama u pyet sot në Euronews, ku gazetarja e bëri fakt dhe i tha se ambasadorja amerikane Yuri Kim është shprehur se sistemi zgjedhor danez është një sugjerim që ia ka dërguar Këshillit Politik të reformës Zgjedhore.

Por në përgjigjen e tij Rama tha se nuk di për një propozim të tillë.

“Nuk di të ketë një sugjerim të tillë se nuk është ambasadorja amerikane e përfshirë në një temë të tillë dhe nga ana tjetër kjo nuk është teme e reformës zgejdhore sa më takon mua dhe ne, pasi tema e reformës zgjedhore është e përcaktuar nga Këshilli europian BE një reformë zgjedhore e votuar në parlament mbi bazën e rekomandimeve të OSBE ODIHR, bisedimet për një ndryshim sistemi askush nuk i pengon por e kam thënë kohë më parë që për ne ky është detyrimi. Askush nuk ka detyrimn të bjerë dakord me pahir”, tha Rama.

Pas tre politikanëve që nuk dinë ‘gjë’ për propozimin e ambasadores Kim, mbetet për tu parë nëse realisht qëndron një propozim i tillë apo do të vihet në zbatim në të ardhmen.

Të fundit