Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Situata e ‘luftës’, a do të përfitojnë gratë me leje lindje bonusin? Ja çfarë thotë Rama

Politiko 8 Prill 2020, 20:10

Kryeministri Edi Rama mbajti një komunikim me qytetarët në rrjetet sociale mbrëmjen e të mërkurës. Shefi i ekzekutivit u është përgjigjur pyetjeve të qytetarëve, mes të cilave ishte dhe një që lidhej me “nëse gratë që janë me leje lindje do të përjashtohen nga bonuset”. Rama tha se nuk do të përjashtohen, ndërsa shtoi se çdo ditë ka pasur lëvrim fondesh për to.

“Mirëmbrëma, siç ju thashë do ishte mirë të bënim një bashkëbisedim duke u nisur nga pyetjet dhe shqetësimet tuaja. Po lexoj pyetjen e parë; Po ata që janë me leje lindje, pse përjashtohen nga bonuset? Nuk përjashtohet asnjë nga bonuset, për ata që janë me leje lindje. Vazhdon përditë miratimi dhe lëvrimi i fondeve. Do të vijojë brenda javës paga e luftës”, tha Rama.

Rama dha përsëri garanci se sipas tij ata që kanë mbetur jashtë dhe kanë shkelur afatet e qëndrimit në zonën shengen, nuk do të penalizohen. “Afatet e kaluara për shkak të bllokimeve të ndodhura, nuk janë afate të shkelura prej jush. Nuk do të paralizoheni ju. Sa herë do ta përsëris? Është thënë e stërthënë (për pasaportat). Ju thjesht duhet të ngrini çdo shqetësim tek faqja online e drejtorisë së Tatimeve. Ju jeni në kategorinë e bizneseve të vogla, që jo se keni dashur të mos punoni.”, tha Rama.

Rama sqaroi dhe invalidët të cilët duhet të bëjnë Kempin, por për shkak të situatës nuk munden. Kryeministri sqaroi se askush nuk do të penalizohet për shkak të kësaj situate. “Këto janë afate të cilat nuk do të respektohen. Jo sepse nuk duam ne, por sepse kushtet janë të tilla, që afatet e tejkaluara, nuk do të konsiderohen të shkelura. Kur të normalizohet situata, ju do të bëni procedurën për dalje në komision. Do të merrni kempin deri ju të keni mundësi që të nisni procedurat.”, theksoi ai.

Kryeministri dha një lajm të mirë për punonjësit e hoteleve dhe restoranteve, që për shkak të situtës janë mbyllur. Të gjithë këta punonjës do të paguhen si punëtorët e biznesit të vogël. “Kush ka punuar në hotele e restorante dhe janë mbyllur, hynë në atë kategori që do të pagune nga ne. Paketa e parë, biznes i vogël, nëse je i regjistruar, do të paguhesh. Nëse je punonjës në biznes të madh, i takon zgjerimit të paketës.”, tha Rama.

Kryeministri tregoi gjithashtu dhe kategoritë e reja që do të përfitojnë nga zgjerimi i paketës ekonomike. Mes tyre janë punonjësit e shoferët e taksive, rrobaqepsitë e vogla, apo dhe serviset e makinave. “Kam marrë ankesa, kërkesa dhe shqetësime nga biznese të vogla. Psh rrobaqepësi të vogla, servis makinash. Me ligjin në fuqi është i hapur, por me zakonin në fuqi, është i mbyllur. Profesionet të tjera hidraulikë, agjenci turistike, dizajner, që punojnë me printime, etje…taksistë janë biznes i vogël. Këta dhe ndonjë kategori tjetër, do të jenë pjesë e zgjerimit të paketës së mbështetjes. Janë biznese të vogla, të mbyllura de facto, si rezultat i luftës. Ata që janë punonjës për linjat e transportit. Dhe që praktikisht janë në shtëpi se nuk ka transport urban e ndër urban. Do jenë pjesë e paketës së zgjeruar.”, tha Rama.