Situata e rrezikshme, Klopp jep mendimin e tij për të ardhmen e futbollit

Champions League me dyer të mbyllura, kampionate të shtyra dhe më e keqja? Euro2020 është në rrezik. Kompeticioni madhor mund të shtyhet, ose më e keqja mund të anulohet. Trajnerët, aktorët kryesorë, nuk mund të mbesin jashtë këtyre diskutimeve. I radhës që ka folur është Jurgen Klopp. Tekniku i Liverpoolit është ndalur dhe ka folur në lidhje me situatën e krijuar. "Ka gjëra më të rëndësishme se futbolli. Lojtarët momentalisht janë të shëndetshëm. 22 futbollistë që nuk takohen me duar, nuk është një mesazh pozitiv për shoqërinë. Çfarë do që të vendoset, ne do ta respektojmë, si të luajmë pa tifozë si anulohen ndeshjet. Ka gjëra më të rë rëndësishme se futbolli dhe po e kuptojmë", - tha tekniku gjerman.