Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Situata në PD, Ina Zhupa rrëfen disa të ‘fshehta’: Në Grupin Parlamentar prisnin sa mandate do na linin Rama dhe Meta

Politiko 29 Qershor 2017, 09:45

Situata në PD, Ina Zhupa rrëfen disa të ‘fshehta’:

Zëdhënësja e PD-së, Ina Zhupa ka komentuar situatën ku është përfshirë partia dhe thekson se do të kishte preferuar që i gjithë ky debat të zhvillohej brenda strukturave të partisë, pa dhënë spektakël të panevojshëm.

Zhupa del qartësisht në mbrojtje të Lulzim Bashës dhe kundër ish-deputetëve të PD-së kur shprehet se reflektimi për humbësit dhe humbjen duhet të fillonte që në 2013 që mos të fshihej dot askush pas dorëheqjes së Berishës, në mënyrë që humbësit të mos thërrisnin më pas gjeni humbësin.

Zëdhënsja zbulon se askush pa përjashtim, në mbledhjet e kryesisë, nuk mohonte fuqinë e parasë së drogës dhe krimit që mbante me vete Edi Rama dhe në grupin parlamentar ngrihej shqetësimi se me këtë pushtet që kishte Rama dhe Meta nuk do na ngelej gjë tjetër veçse të prisnin sa mandate do kishte dëshirë tu linte Rama.

Zhupa përmend të gjitha përpjekjet që Basha bëri, dhe në një pjesë të tyre ia arriti, për të ndryshuar këtë situatë. Ajo thekson se sukseset e Bashës janë të PD-së, ashtu siç duhet të jetë edhe humbja më 25 qershor.

Reagimi i plotë i Ina Zhupës:

Gjithë anëtarët e PD duhet të kenë një qëllim të përbashkët fitoren e kësaj force për të qeverisur vendin. Nisur nga kjo kushdo ka të drejtën të bëj analizën e tij se përse humbëm këto zgjedhje parlamentare, por pa harruar premisën që duhet të ketë dashur fitoren e partisë së tij. Në të kundërtët nëse do donin humbjen, do punonin për humbjen, nuk do mobilizoheshin për fitoren nuk kanë nevojë të kërkojnë arsye më shumë për humbjen sesa tek vetja e tyre.

Futem tek ata njerëz që kam bërë opozitë aktive me zë dhe figurë, në çdo medium dhe mundësi përballë pushtetit të Rilindjes. Dhe mendoj se vetëm ky fakt dhe asnjë pozicion tjetër politik brenda partisë më mjafton për të thënë arsyet që gjykoj pse humbëm. Do kisha preferuar që ky debat të bëhej brenda strukturave të partisë, mos ishim të detyruar të jepnim spektakël të panevojshëm por meqë u hap loja kështu, le ti përshtatemi.

Duke mos besuar që kam monopolin e të vërtetës dhe duke respektuar lirinë e gjithë atyre që janë kundër po ju shtroj këto pyetje:

Kush nga ju beson se paratë të pista të narko-shtetit që krijoj Rama dhe e pranoj gjithë bota nuk do të ndikonin në zgjedhje?

Kush nga ju beson se kriminelët dhe mbështetësit e tyre nuk u përfshin në zgjedhje?

Kush nga ju beson se policia e shtetit nuk ishte në presion, edhe të hapur biles të thirrjeve të kryeministrit që u detyrua të tërhiqej nga halli?

Kush nga ju beson se blerja e votës nuk ka funksionuar si një mekanizëm i garantimit të votës?

Kush nga ju beson se varfëria nuk është ulur këmbëkryq në shtëpitë e shqiptarëve?

Nëse dikush i beson këto atëherë ka gjithë të drejtën e botës të thotë që Basha është fajtori për humbjen tonë. Nëse nuk i beson këto atëherë le të mos përdorin inatet dhe qejfmbetjet personale për të sulmuar një individ. Ndoshta reflektimi për humbësit dhe humbjen duhet të fillonte që në 2013 që mos fshihej dot askush pas dorëheqjes së liderit historik Sali Berisha. Në këtë mënyrë humbësit nuk do të thërrisnin dot më gjeni humbësit.

Si anëtare e kryesisë mund të them që askush pa përjashtim, në mbledhjet e kryesisë, nuk mohonte fuqinë e parasë së drogës dhe krimit që mbante me vete Edi Rama. Po ashtu edhe grupi parlamentar ngrinte shqetësimin se me këtë pushtet që kishte Rama dhe Meta nuk do na ngelej gjë tjetër veçse të prisnim sa mandate do kishte dëshirë të na linte Rama.

E nëse kujtesa nuk ju ka lënë bashkëudhëtarët e mi demokrat atëherë më thoni:

A ishte Lulzim Basha ai që luftoj bashkë me demokratët për ligjin e dekriminalizimit? Pa të cilin sot do kishte dhjetëfish më shumë presion dhe kriminel me pushtet në parlament.

A ishte Lulzim Basha ai që luftoj bashkë me demokratët për të kthyer gjithë vëmendjen ndërkombëtare se droga ishte masive në vend derisa u kthye në problem e pranuar nga vetë qeveria e ndërkombëtarët? Pa të sot do kishim dhjetëfish më shumë mundësi që jo vetëm këto zgjedhje por edhe për 15 vitet e ardhshme të ishin të kapura.

A ishte Lulzim Basha me aksionin e tij politik bashkë me demokratët, në çadrën e lirisë që detyroi Ramën të hiqte gjysëm e qeverisë? Me një ministër si Sajmir Tahiri do e kishe policinë dhjetëfish më shumë në fushatë, me një ministër si Ilir Beqja do i kishe mjekët dhjetëfish më shumë në fushatë, me një ministër si Lindita Nikolla do i kishe mësuesit dhjetëfish më shumë në fushatë.

A ishte Lulzim Basha që bashkë me demokratët paraqitën një program, biles të vetmin program në këtë fushatë, të konsultuar me ekspert gjerman dhe amerikane dhe një plan konkret për zhvillimin e ekonomisë? Pa këtë fitorja do ishte edhe më e largët.

Këto janë arritjet e tij dhe tonat, se jemi mësuar që sukseset i ndajmë bashkë. Ndërsa humbjen duam t’ja faturojmë vetëm atij. Por këto arritje nuk mund të zhduknin me shkop magjik gjithë planin, paratë, kriminelët dhe drogën e Edi Ramës. A mund të bënim ne demokratët gjëra më mirë në këtë fushatë? Patjetër që po. A mund të bënte Basha gjëra më mirë në këtë fushatë? Patjetër që po. Të kërkosh përmirësime dhe reflektime në funksion të fitores është gjëja më normale. Të hedh rrufe, me qëllim vetëm për të zënë poshtë kryetarin e partisë që ringriti shpresën e demokratëve, që ju dha një projekt shqiptarëve nuk është të kërkosh fitoren.

Ka gjëra më të këqija sesa humbja e zgjedhjeve, gjëja më e keqe është të humbësh besimin tek ajo që bën, tek projekti që ke dhe mos tju thuash njerërzve të vërtetën. Lulzim Basha nuk ka bërë asnjërën nga këto. Ka bërë një fushatë me një projekt që kemi besuar ne dhe e beson ai dhe ju ka thënë qytetarëve të vërtetën.

Ina K. Zhupa

Zëdhënese e PDSH, Anëtare e Kryesisë së PDSH, Anëtare e Këshillit Kombëtar PDSH, Koordinatore Kombëtare.