Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Situata në vend, Basha: Vullkani është gati të shpërthejë; qytetarët e kanë alternativën te opozita

Politiko 26 Nëntor 2018, 22:15

Situata në vend, Basha: Vullkani është gati të

Lulzim Basha thotë se arsyet kryesore që Edi Rama është sot në pushtet janë mbështetja që merr nga kriminelët dhe nga paratë e oligarkëve. Gjatë intervistës në emisionin ‘A’, Basha theksoi se edhe mbështetja që Rama merr nga mediat e kapura dhe indiferenca e shoqërisë civile, e ndihmojnë që të qëndrojë në pushtet.

Basha theksoi se qytetarët shqiptarë kanë një alternativë të besueshme që mund ta gjejnë te opozita dhe te Partia Demokratike.

“Arsyet kryesore pse Edi Rama është në pushtet është mbështetja që ka marrë nga kriminelët dhe nga paratë e oligarkëve, mbështetja nga media të kapura të cilat ushqehen me këto afera korruptive dhe indiferenca e shoqërisë civile, e intelektualëve dhe njerëzve të elitës. Këto e mbajnë në këmbë Edi Ramën. Unë mendoj se nëse njerëzit thonë të vërtetën ashtu siç është dhe nuk vlerësojnë alternativat sepse për fakt ky vend e ka një alternativë që është opozita dhe PD në mënyrë racionale, pra të shkëputen nga shouman-ship, nga rendja pas batutës së ditës, gjestit të ditës, shfaqes së ditës, dhe të kuptojnë se përtej kanë një dramë e cila ka pllakosur në familjet shqiptare dhe në vendin tonë, ne mund ti rikthehemi një debate racional dhe demokratik dhe kjo është beteja ime për tu thënë se kjo nuk është lojë shahu por lojë me fatin tuaj, të familjeve tuaja, të fëmijëve të tu, me të ardhurat tuaja”, tha kryeopozitar.

Më tej Basha shtoi: “Dhe njëherë po e them. 290 mijë shqiptarë jetojnë me një vakt në ditë. Është viti 2018. 400 mijë janë larguar nga vendi. Kjo është drama dhe sado të insistojë kundërshtari politik në këtë rast Edi Rama dhe kushdo tjetër, kjo shfaqe do marrë fund dhe nuk do vazhdojë. Dita që kjo shfaqe do të marrë fund do të jetë dita kur shqiptarët do të marrin në dorë fatin e tyre.”

Situatat e tensionuara të krijuara me protestat te Unaza e Re apo te Teatri Kombëtar, Basha i konsideroi si majën e një vullkani që është gati të shpërthejë.

“Ajo që shohim tek Unaza e Re, tek protesta tek Teatri, ato që shohim tek shkrimet e kolegëve të tu, është marrja e një guximi të munguar, për tju kundërvënë kësaj shfaqe dhe regjisorit të kësaj shfaqe dhe tu thënë shqiptarëve; Mbreti është lakuriq, vendi është në ditë të zezë dhe kështu nuk mund të vazhdohet më. Do të thoja që është maja e një vullkani që po zien dhe është gati të shpërthejë”, theksoi kreu i PD-së.

Basha theksoi se opozita po përgatit ofertën për ekonominë, shëndetësinë, arsimin dhe rininë për ta rikthyer Shqipërinë në rrugën e zhvillimin normal.

“Ne po e bëjmë gati ofertën tonë. Për ekonominë, për shëndetësinë, për arsimin, rininë, dhe besojmë se është një ofertë e cila do ta ndalë këtë krizë dhe do ta rikthejë Shqipërinë në rrugën e zhvillimit normal dhe normalitetit. Një politikë që të mos jetë nga mëngjesi në darkë produkti i vetëm i konsumit të shqiptarëve por të jetë shërbëtore e tyre”, përfundoi Basha.

http://politiko.al/krasta-bashes-ne-krah-ke-tre-njerez-te-neveritshem-dhe-te-papranueshem/

http://politiko.al/lulzim-basha-thirrje-efektiveve-te-policise-mos-u-keqperdorni-po-godisni-vellezerit-dhe-motrat-tuaja/