Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Situatë kaotike pas shpërthimit në Bejrut; 27 të vdekur dhe mijëra të plagosur, kryeministri libanez shpall të mërkurën ditë zie kombëtare

Politiko 4 Gusht 2020, 21:08

27 persona raportohet të kenë humbur jetën deri tani pas dy shpërthimeve të fuqishme në kryeqytetin libanez të Bejrutit, ndërsa 2000 të tjerë janë plagosur.

Mediat e huaja bëjnë me dije se shpërthimi në port ka lënë pas dëme të shumta materiale si dhe është krijuar një gjendje paniku dhe kaosi në vend.

Valët tronditëse të shpërthimit të kësaj të marte kanë shkatërruar dritare dhe shembur ballkone të apartamenteve në qendrën historike të qytetit. Ndërsa pamjet e transmetuara nga mediat e huaja kanë bërë xhiron e botës.

Banorët të shokuar,duke qarë, dhe disa prej tyre edhe të plagosur lëviznin nëpër rrugë duke kontrolluar për të parë nëse të afërmit janë lënduar.

Në një prononcim për BBC, dëshmitari okular Hadi Nasrallah u shpreh se gjithka që kishte parë dhe dëgjuar mund ta përshkruante vetëm me një fjalë: "Thjesht e frikshme".

Nasrallah bëri me dije se, aq i fortë ishte shpërthimi saqë humbi dëgjimin për disa sekonda. "Kam humbur dëgjimin për disa sekonda, e dija se diçka nuk ishte në rregull  dhe papritmas xhami u copëtua në të gjithë makinën"!

 

 

 

 

 

 

 

 

 

 

 

Shpërthimi ndodhi në zonën e portit të qytetit. Ministri i brendshëm libanez bëri me dije se sipas të dhënave paraprake një sasi e madhe eksplozivi e kapur vite më parë, që ruhej në atë magazinë prej vitesh ishin hedhur në erë. Transmetuesi me qendër në Liban, Mayadeen duke cituar drejtorin e doganave të vendit theksonte se ajo çka kishte shpërthyer ishin disa ton nitrate.

Pamjet e shpërthimit të shpërndarë nga banorët në mediat sociale fillimisht treguan një kolonë tymi që po ngrihet nga rrethi i portit, i ndjekur nga një shpërthim i madh që dërgonte shtëllunga të bardha tymi dhe zjarri në qiell.

Të paktën 500 trupa janë dërguan në spitale për trajtim bën me dije Kryqi i Kuq i Libanit.

Presidenti libanez Michel Aoun bëri thirrje për një takim urgjent të Këshillit Suprem të Mbrojtjes së vendit, përmes një postimi në Tëitter të presidencës. Kryeministri Hassan Diab bëri thirrje për një ditë zie për të mërkurën.

Shpërthimi vjen tre ditë para se një gjykatë e mbështetur nga UN të japë verdiktin përfundimtar për gjykimin e katër të dyshuarve nga grupi shiit Hezbollah mbi një bombë të vitit 2005, në të cilën u vranë ish kryeministri Rafik al-Hariri dhe 21 persona të tjerë.

Të fundit