Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

S'ka konsesus për letrën drejtuar ODIHR, Gjiknuri: Opozita të sjellë propozime konkrete, pse bëjnë sikur u zgjuan dje

Politiko 22 Shtator 2020, 14:46

S'ka konsesus për letrën drejtuar ODIHR, Gjiknuri: Opozita

Rreth 120 minuta ka zgjatur diskutimet në mbledhjen e sotme të Këshillit Politik, ku përfaqësuesit e opozitës jashtëparlamentare, Oerd Bylykbashi dhe Petrit Vasili paraqitën letrën me 5 pyetje që do t'ia drejtojnë OSBE-ODIHR për të marrë një opinion për formulën e koalicioneve parazgjedhore dhe listave të hapura, por nuk mori firmën e përfaqësuesit të mazhorancës Damian Gjiknurit.

Pas përfundimit të mbledhjes, Gjiknuri tha se OSBE-ODIHR mund t'i kërkohet opinion vetëm mbi bazën e propozimeve konkrete. Ai tha se opozita duhet të vijë me propozime konkrete, duke marrë si shembull draftin e sjellë nga përfaqësuesja e opozitës paralamentare, Rudina Hajdari.

Gjinuri tha se tentativa e opozitës për t'i kërkuar opinion OSBE-ODIHR është për të minuar këtë proces.

“Së pari fatkeqësisht opozita erdhi me të njëjtën qasje politike, tashmë të transformuar në një letër, por harruan që ky këshill vepron në bazë të një standardit të arritur, i imponuar ky standard nga opozita.

Tentativat përsëriten të njëjtat letra njëherë në shqip e njëherë në anglisht, që bëhen vetëm për të minuar këtë proces. Ne nuk do ta lejojmë këtë, në ditët që mbeten ne jemi të gatshëm 24 orë për propozimet e tyre, si të duan ata. Ne përtej edhe pse kishim rekomandimet ODHIR për çështje konkrete, zgjodhëm të plotësojmë kërkesat e PD. Pse bëjnë sikur u zgjuan dje dhe ububu ç'qenka kjo gjë e re. Ne kërkojmë që të vijnë me përmbajtje konkrete. Ky këshill është krijuar për të konsultuar me opozitën jashtëparlamentare. PS i qëndron marrëveshjes së 5 qershorit. Po s'u diskutua këtu, do e diskutojmë në Kuvend, formula jonë është më e mira për hapjen e listave.

Synohet kompromisi dhe kur nuk ka kompromis mund të merret mendimi i OSBE-ODIHR por mbi bazën e propozimeve konkrete. Hajdeni me propozime konkrete Ju themi komentoni, sillni propozime alternative, jemi përpara një fakti të kryer ka ndryshuar Kushtetuta e Shqipërisë. Ne sollëm propozimin tonë, nuk mund t’u pëlqejë, por propozimet duhet të vijnë me shkrim, jo me studio. I thash merrni kohë, shkruani draftet e sillini por tentativa si këto janë për të minuar këtë proces për të bllokuar hyrjen në fuqi. Kemi një emergjencë kohore, dhe do vijojmë të mirëpresim. Procedura në Parlament ka filluar ne jemi të gatshëm të punojmë 24 orë në bazë të propozimeve konkrete. Ne do bëjmë çmos që të biem në konsensus me opozitën” tha Gjiknuri.