Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Skandali/ Adriatik Llalla bëri biznes me ‘të fortin’ e Saukut, i akuzuari u arrestua vetëm pas largimit të tij nga Prokuroria

Politiko 4 Maj 2018, 17:36
Skandali/ Adriatik Llalla bëri biznes me ‘të fortin’ e

Një tjetër skandal ku është përfshirë ish-Prokurori i Përgjithshëm Adriatik Llalla është bërë publik sot në media.

‘BIRN’ raporton për një kontratë që Llalla ka lidhur në vitin 2007-të me Eduart [Edison] Dushkun, të cilit i ka blerë për vetëm 1.5 milionë lekë një sipërfaqe toke prej 3 mijë metrash katrorë tokë në Mjull Bathore. Dushku është një personazh i njohur në zonën e Saukut dhe me një skedë të larmishme kriminale, mes të cilave edhe një dënim për vrasje.

Këtë tokë, Llalla e ka shitur në vitin 2016-të për 249 mijë euro te kompania LIM-EM, e cila në vitin 2013-të fitoi tenderin për të ndërtuar një lokal në vlerën 5.2 milionë lekë në katin e pestë të godinës së Prokurorisë së Përgjithshme.

Kush është Eduart [Edison] Dushkun?

42 vjeçari ka rënë në prangat e policisë më 1 mars të këtij viti, disa muaj pas largimit të Adriatik Llallës nga Prokuroria e Përgjithshme dhe ndryshimeve që kanë ndodhur në këtë institucion.

Eduart Dushku u arrestua në flagrancë nga policia, për veprat penale të “Prodhimi dhe shitja e armëve luftarake” dhe “Largimi nga vendi i vuajtjes së dënimit”. Ai ishte dënuar më parë për veprat penale: “Vrasja me dashje”, “Shkatërrimi i pronës me eksploziv’’ dhe “Prodhimi dhe mbajtja pa leje e armëve luftarake”.

Kapja në flagrancë e këtij shtetasi u bë në rrugën e Elbasanit, ku gjatë kontrollit personal i është gjetur dhe sekuestruar në cilësinë e provës materiale:

  • Një armë zjarri pistoletë e tipit “TT” model 54 me kalibër 7.62 mm, me një krehër me 8 fishekë.

Gjithashtu gjatë kontrollit në banesën e këtij shtetasi, janë gjetur dhe sekuestruar në cilësinë e provës materiale:

  • Një armë zjarri automatike “Kallashnikov” 7.62 ,

  • Njëmbëdhjetë fishekë pistolete model “Makarov”,

  • Tetë kapsolla detonatore,

  • Dy maska,

  • Aparat celular i tipit “IPhone 7” me kartë SIM.

  • Aparat celular i tipit “Samsung S7” me kartë SIM.

  • Aparat celular i tipit “IPhone 8” me kartë SIM.

Vrasja në vitin 2011. Babai i shpëtoi jetën të birit

Eduart Dushku u arrestua në mars të 2012-ës si i akuzuar për vrasjen e shtetasit Abdulla Vrapi. Arrestimi i tij ndodhi disa muaj përpara se Adriatik Llalla të hynte në zyrën e Prokurorit të Përgjithshëm, ndërkohë që Dushku vuajti vetëm dy vite dënim për vrasjen e 49 vjeçarit.

Më 22 gusht të 2011-ës, Abdulla Vrapi mbeti viktimë e një incidenti midis djalit të tij dhe Eduart Dushku. Ata kishin përplasur makinat katër muaj përpara se të ndodhte ngjarja tragjike dhe konflikti përfundoi me vrasjen e një personi.

Në kohën kur ka blerë tokën te Dushku, Llalla mbante postin e zv/drejtorit të Prokurorisë së Tiranës dhe njëkohësisht të kryetarit të Këshillit të Prokurorisë.

Mohoi të kishte lidhje me tenderin, zbardhet kontrata e Llallës me ndërtuesin që i bleu tokën

Të fundit