Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Skandali me turistët sllovakë në Shqipëri, kompania 'Albania Travel' falimenton papritur; Ministria e Brendshme dërgon tre avionë

Politiko 26 Korrik 2018, 10:13
Skandali me turistët sllovakë në Shqipëri, kompania

Që të largohesh nga Shqipëria pasi ke bërë disa ditë pushime mund të duhet që të thërrasësh për ndihmë qeverinë e vendit tënd për të dërguar avionë të posaçëm. Kjo ka ndodhur me 84 turistë sllovakë të cilët kanë mbetur të bllokuar në vendin tonë për shkak të falimentimit të një kompanie ‘piramidë’, Albania Travel.

Mediat sllovake raportojnë se kompania ‘Albania Travel’ falimentoi papritur dhe turistët nuk kishin mundësi për t’u kthyer në vendin e tyre. E gjendur në këtë situatë, kompania e sigurimeve ‘Uniqua’, që kishte bashkëpunuar me kompaninë, u detyrua t’i kërkojë Ministrisë së Brendshme të Sllovakisë që të ndihmojë në transportin e turistëve.

“Ministrisë iu kërkua ndihmë nga një kompani sigurimesh, e cila do të mbulojë të gjitha shpenzimet”, ka deklaruar Petar Lazarov, zëdhënës i Ministrisë së Brendshme.

Tre avionë janë dërguar nga ministria sllovake për të tërhequr nga Shqipëria shtetasit e saj. Beata Lipšicová, zëdhënëse e kompanisë ‘Uniqua’, deklaroi se kjo kompani u përpoq të organizonte e vetme kthimin e turistëve por ishte e pamundur për shkak se nuk mund të gjendeshin avionë të lirë në mes të sezonit turistik.

“Është prioriteti ynë që t’i kthejmë pushuesit sa më shpejtë të jetë e mundur të shtëpitë e tyre dhe kemi arritur të sigurojmë udhëtimin nga Tirana në Poprad me disa avionë të Ministrisë së Brendshme”, ka deklaruar Lipšicová

Pas këtij incidenti, ekspertët sllovakë po këshillojnë turistët që të tregohen të kujdesshëm kur zgjedhin Shqipërinë për të kaluar pushimet, për të shmangur ato kompani që ofrojnë vetëm një destinacion në programin e tyre, siç ishte rasti i ‘Albania Travel’.

Të fundit