Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Skandali/ Nuk pranuan të firmosnin ekstradimin e ‘financierit’ të Habilajve, cilat janë dy specialistet që dhanë dorëheqjen

Politiko 26 Janar 2018, 17:20

Pas disa seancave dhe shtyrjes se afatit te qendrimit ne arrest me burg, se fundmi Gjykata e Tiranës ka pranuar kërkesën e Prokurorisë së Krimeve të Rënda për ekstradimin në Itali të Nezar Seitiit, i njohur si “financieri” i bandes se Habilajve qe akuzohet per trafik nderkombetar droge.

Ai vete kishte kerkuar te ekstradohej per llogari te drejtesise italiane dhe gjykata tashme i hap rruge, duke bere te mundur qe Seiti te ekstradohet ne shtetin fqinj.

Por “Panorama” zbulon te tjera detaje. Burimet thanë se dy specialiste të ministrisë së Drejtesisë, të sektorit të ekstradimeve, kanë dhënë dorëheqjen nga puna para dy ditësh pasi nuk pranonin të firmosnin ekstradimin e shtetasit Nezar Seiti. Ato janë Ina Toci dhe Suela Collaku.

Seiti akuzohet për trafik ndërkombëtar droge dhe është pjesë e dosjes të prokurorisë shqiptare dhe italiane për hetimet ndaj bandës Habilaj.

Gjykata e Katanias ka caktuar masën ‘arrest me burg’, si pjese e bandes shqiptare te trafikut te droges nga vendi yne drejt Italise.

Por gjithashtu ekziston edhe një vendim i Gjykates se Krimeve te Renda për arrest me burg ndaj Seitit.

Nje dite me pare reagoi edhe Ministria e Drejtesise duke bere me dije pse ishte marre vendimi per ekstradimin e Seitit:

REAGIMI I PLOTE I MINISTRISE SE DREJTESISE

Ministria e Drejtësisë në reagim të lajmeve të publikuara sot, lidhur me ekstradimin e shtetasit Nezar Seiti, sqaron se janë ndjekur me përpikmëri të gjitha procedurat ligjore të parashikuara në Kodin e Procedurës Penale, Ligjin nr. 10193 datë 3.12.2009, Konventës Evropiane të Ekstradimit, të vitit 1957, Marrëveshjen ndërmjet Republikës së Shqipërisë dhe Republikës së Italisë dhe Konventës Evropiane për ndihmë juridike dhe çështje penale.

Ministria e Drejtësisë në datë 20.10.2017, është njoftuar nga Interpoli Tiranë, mbi arrestimin e shtetasit Nezar Seiti po në datën 20.10.2017, me qëllim ekstradimin drejt Italisë, në bazë të Urdhërit Arrestit Ndërkombëtar të lëshuar nga Gjykata e Catanias, në datë 12.10.2017, për kryerjen e veprës penale “Organizatë kriminale me qëllim trafikimin e narkotikëve”, parashikuar nga legjislacioni penal italian.

Ministria e Drejtësisë në datë 24.10.2017, i ka përcjellë Prokurorisë së Përgjithshme njoftimin e Interpolit Tiranë, me qëllim kryerjen e veprimeve nga ana e Prokurorisë për të kërkuar nga autoritetet italiane dërgimin e akteve.

Ministria e Drejtësisë shqiptare, menjëherë pas marrjes së kërkesës të datës 24.11.2017 nga Ministria e Drejtësisë italiane për ekstradim të shtetasit Nezar Seiti, ia ka përcjellë atë Prokurorisë së Përgjithshme.

Prokuroria e Përgjithshme në datë 10.01.2018, ka vënë në dijeni Ministrinë e Drejtësisë lidhur me vendimin e Gjykatës së Rrethit Gjyqësor Tiranë me Nr. 1506, datë 18.12.2017, i cili ka marrë formë të prerë më datë 29.12.2017, duke vendosur miratimin e kërkesës së Prokurorisë së Rrethit Gjyqësor Tiranë për lejimin e ekstradimit të shtetasit Nezar Seiti.

Gjykata në pjesën arsyetuese të vendimit Nr. 1506 datë 18.12.2017 është shprehur se nuk ka asnjë pengesë ligjore për të mos e lejuar ekstradimin në perputhje me parashikimet ligjore të brendshme dhe ato ndërkombëtare.

Gjithashtu në pjesën arsyetuese të vendimit të gjykatës, është shprehur se nga ana e prokurorisë është argumentuar se nuk ekziston asnjë nga pengesat ligjore të parashikuara nga neni 491 i Kodit të Procedurës Penale, i cili parashikon rastet kur nuk mund të jepet ekstradimi.

Bazuar në këtë vendim të Gjykatës së Rrethit Gjyqësor Tiranë, Nr. 1506 datë 18.12.2017, i cili ka marrë formë të prerë në datë 29.12.2017, përcjellë nga Prokuroria e Përgjithshme tek Ministria e Drejtësisë në datën 10.01.2018, dhe në kushtet kur Ministria e Drejtësisë nuk ka patur asnjë informacion apo akt tjetër procedurial nga Prokuroria e Përgjithshme si dhe nga gjykata mbi ekzistencën e ndonjë pengese të mundshme ligjore për ekstradimin e shtetasit Nezar Seiti, në zbatim të parashikimeve ligjore të nenit 499 të Kodit të Procedurës penale, ka dhënë miratimin për ekstradim.

Burimi: Panorama

http://www.panorama.com.al/skandali-nuk-pranuan-te-firmosnin-ekstradimin-e-financierit-te-habilajve-cilat-jane-dy-specialistet-qe-dhane-doreheqjen/

Të fundit