Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

“Skandaloze arrestimi i Arben Ndokës”, a rrezikon të përjashtohet edhe Pjerin Ndreu si Gjetan Gjetani pasi kritikoi policinë

Politiko 22 Tetor 2018, 11:52
“Skandaloze arrestimi i Arben Ndokës”, a rrezikon të

Një ditë pas arrestimit të ish-deputetit të PS, Arben Ndoka nën akuzën e tjetërsimit të pronave, erdhi reagimi i deputetit socialist, Pjerin Ndreu.

Bashkë me Ndokën ai njihet për miqësinë e ngushtë dhe sot në mbledhjen e grupit parlamentar të Partisë Socialiste ka shprehur hapur kritikat për mënyrën e arrestimit të mikut të tij, duke e cilësuar skandaloze.

“Nuk marr përsipër të gjykoj provat. Kam rezerva për mënyrën skandaloze të veprimit, sjelljen skandaloze dhe se si kanë vepruar me mënyrën e arrestimit. Dhe praktikimin e dy standardeve, një grup që quhet i parëndësishëm dhe merret prokuroria lokale dhe një grup tjetër që merret prokuroria e krimeve të rënda. Duhet shihen me qetësi këto gjëra. Ne si forcë politike nuk mbështesim asnjë veprim të paligjshëm, por mënyra e të proceduarit të Prokurorisë dhe policisë në dy raste të ndryshme në Lezhë është e habitshme”, mësohet të jetë shprehur Pjerin Ndreu.

Por, pas kritikave të tilla, a rrezikojnë të lëkunden pozitat e Ndreut, njësoj siç ndodhi edhe me Gjetan Gjetanin në shtator të këtij viti?

Kujtojmë se në fillim të shtatorit, Gjetani u përjashtua nga Grupi i PS nga vetë kryeministri Edi Rama gjatë mbledhjes së Asamblesë Kombëtare të PS.

Tre ditë para urdhrit të Ramës, Gjetan Gjetani kritikoi Policinë e Shtetit dhe ministrin Xhafaj për nivelin e shtuar të kriminalitetit.

Çfarë deklaroi Gjetan Gjetani para përjashtimit:

Ngjarjet e fundit te ndodhura ne Kurbin, me kane shqetesuar shume. Duke bere qe, ne Kurbin, te mos ndihemi te sigurte. Eksploziv, kercenim me arme dhe vrasjen e dy te rinjeve, tregon qe, policia eshte hallke shteterore shume e paafte. Kjo tregon , se ne Kurbin, kane sjelle oficere dhe drejtues policie te paafte te korroptuar dhe ordinere. Si deputet i kesaj zone, kam pas ankesa te shumte nga qytetaret te cilat do ti bej publike ne Parlament. Brenda muajit Shtator do kerkoj interpelance me ministrin e brendshem, dhe nqs nuk do te marre masa per pastrimin e Komisariatit te plolicise Kurbin, une i pari do ngrihem ne proteste, duke kerkuar mbeshtetjen e gjithe qytetareve te Kurbinit pa marre parasysh ngjyrat politike.

Të fundit