Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Skeda: 4 grupet që luftojnë për kontrollin e protestës: nga neokomunistët e Qorrit te 'çerrat e Veliajt'

Politiko 8 Dhjetor 2018, 16:44

Skeda: 4 grupet që luftojnë për kontrollin e protestës: nga

Protesta e studentëve duket se është në prag të degjenerimit në luftë të grupeve të brendshme që duan të ushtrojnë influencë, të jenë negociatorë, të marrin kredite publike dhe, sidomos, të jenë krahë të shtrirë të ndikimeve partiake në lëvizjen studentore. Sipas një vëzhgimi në terren të reportereve të Politiko.al, Jona Kazani dhe Loneta Progni, që e kanë ndjekur nga afër protestën gjatë katër ditëve të saj, katër janë grupet që 'fërkojnë bërrylat' për të siguruar supremacinë në dominimin dhe përcjelljen e mesazhit dhe të agjendave.

1-Organizata Politike: Më të zëshmit dhe të organizuarit janë aktivistët e Organizatës Politike, që udhëhiqen nga Arlind Qorri, një pedagog i Shkencave Politike në Universitetetin e Tiranës. Qorri ka një agjendë të hapur neomarksiste.

2-Lëvizja për Universitetin: Ky grupim është një bashkim studentësh dhe pedagogësh që janë kundër reformës në Arsimin e Lartë dhe nuk kanë ndonjë kauzë politike të llojit marksisit apo tjetër, si grupi i Qorrit. Ata kanë qenë në ballë të protestave të vazhdueshme studentore që nga paraqitja e ligjit për AL.

3-"Çerrat" e Erion Veliajt: Një grup i tretë aktiv, dhe me sa duket me peshë, në protestë janë ata që mund të quhen 'çerrat' e Erion Veliajt. Luis Kasneci dhe Glindxhet Madhi shfaqen qartë në postime t e tyre në Facebook në shoqërinë e kryebashkiakut dhe në aktivitete elektorale bashkë me Fatmir Xhafajn nën 'hijen' e posterave dhe banerave elektoralë të FRESh dhe Partisë Socialiste. Këta nuk janë 'freshistë' se sa janë 'krahu' i kryebashkiakut në protestën studentore.

4-Forumet PD/PS/LSI: Të fundit, por jo më pak të rëndësishmit janë një grup laraman me 'agjentë' të Forumeve rinore të tri partive kryesore politike PS, PD dhe LSI. Në fotot dhe videot e përhapura gjerësisht mund të shohësh lehtësisht elementë që janë parë në aktivitete të partive kryesore dhe që përfaqësojnë forumet rinore të tyre në universitetet e Tiranës.

Përplasja mes këtyre grupeve duket se do të çojë në shpërqendrim dhe shthurje të protestës, duke e shndërruar një lëvizje studentore, të nisur si përplasje e rinisë me arrogancën e pushtetit dhe verbërinë e politikave arsimore, në një përballje 'çakenjsh' për territor politik.

Ndërkohë, me mijëra studentë qëndrojnë larg këtyre grupimeve duke protestuar për kauzën e tyre të drejtë.