Flash News

Fuste dr*gë dhe sende të paligjshme në qeli, arrestohet polici i burgut të Drenovës

Lavrov: NATO po rrezikon vetëshkatërrimin me buxhetin e ri ushtarak

​Kurti e Vuçiç "përballen" nesër në Shkup

Bie nga skelat, humb jetën punëtori i ndërtimit në Berat

Prokuroria dërgon për gjykim dy zyrtarët e Bashkisë Korçë

KRYESORE

Skeptikët për integrimin e Shqipërisë, Rama: Procesi është bërë më kërkues, ata nuk janë gati

Politiko 3 Tetor 2019, 11:56
Skeptikët për integrimin e Shqipërisë, Rama: Procesi

“Shqipëria mund të hyj e përzier me Evropën”, është kjo shprehja e shkrimtarit të madh Sami Frashri, me të cilën kryeministri Edi Rama preferoi ta nisë fjalimin e tij në debatin për integrimin dhe çeljen e negociatave të Shqipërisë në Bashkimin Evropian.

Megjithatë, siç thekon kryeministri, “sot jemi në shekullin e 21 dhe ajo çka Frashërit i dukej mundësi e shpejtë, në fakt ka kërkuar një shekull në mes dhe sot që flasim nuk mund të themi se është mundësi e shpejtë ende”, tha Rama.

Ndërkohë, kryeministri duke argumentuar qëndrimin skeptik të vendeve si Franca, Holanda e Gjermania përmes kushteve të reja, tha se procesi është bërë më i ndërlikuar se për vendet e tjera që janë sot anëtare të BE.

“Dëgjova sot këtu që të ngrihej pyetja a është gati Shqipëria për të hapur negociatat.

Besoj se pyetja është legjitime, por kur ngrihet si pyetje retorike dhe merr atë përgjigjen e lehtë dhe argumentohet me Holandën, apo kushtet e Gjermanisë a Francën që me demekt qenkan më rigorozë se vendet tjera dhe shikuakan më thellë se Komisioni Evropian që paguhet nga gjermani, Holanda e Franca për të parë thellë e më thellë atëherë vetiu ikim nga thelbi dhe hyjmë në katundin tonë duke u përpjekur t’ju themi shqiptarëve secili se unë jam ai që duhet të besoni.

Në raport me kë është gati vendi? Synohet të përdorë si argumente për të goditur , që nuk kanë lidhje fare. Sot, cilido nga vendet e BE që është i integruar aktualisht do ishte në pozicionin që kërkonte të hyjë në BE nuk do të futej dot. Kjo sepse është në një debat të brendshëm që nuk ka në konsideratë ekspansionin e BE por daljen nga një situatë e cila e ka vendosur BE në një pozitë të vështirë në raport me fuqitë e tjera.

Debati mes Francës e Gjermanisë apo atyre që predikojnë zgjerimin hapur dhe atyre që predikojnë perspektivën dhe nuk e duan, nuk lidhet fare.

Është me rëndësi të mos bëjmë politikën mizerabël të ditës. Shqipëria sot është pa diskutim shumë më gati për të hapur negociatat se c’kanë qene vendet e tjera para se të hapin negociatat. Procesi është bërë më i komplikuar e më kërkues.

Kush është pikëpyetja. Sa dhe si Franca do të adresojë këtë kërkesë Shqipërisë. Vendi ynë në raport me momentin kur mori statusin e kandidatin është ku e ku.

Në raport me çfarë?

Ata nuk janë gati, se janë në pozicionin e forcës.

Maqedonia e Veriut me plot të drejtë shikohet me një sy më pak kritik, nga një marrëveshje të madhe dhe zgjidhjes së një konflikti. Do shikoni se si, edhe për Serbinë, Mali i Zi do nisë një proces kërkesash që Shqipëria sot e ka nisur, pastrimi i reformës në drejtësi, nuk e ka bërë asnjë prej tyre.

BE i thotë Kosovës duhet të bësh delimitimin e kufirit me Malin e Zi dhe njeh hapjen e kapitujve me Serbinë që nuk e njeh Kosovën.

Këto i hani ju, dhe mos ua jepni shqiptarëve ti hanë se këto janë broçkulla. BE sot ka një debat të brendshëm të imponuar nga dinamika të brendshme me një periudhë krize qysh me shpërthim e lumit të refugjatëve”, tha Rama.

Të fundit