Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Sot, 20-vjetori i vdekjes së Nënë Terezës, heshtja e turpshme e shtetit dhe televizioneve tona...

Politiko 5 Shtator 2017, 09:24
Sot, 20-vjetori i vdekjes së Nënë Terezës, heshtja e

20 vjet më parë, më 5 shtator 1997 pushoi së rrahuri zemra e legjendës më madhështore e këtij shekulli, një figurë dhe një nga shqiptaret më të shquara, lavdia e së cilës na shoqëron edne sot në rrugëtmin tonë të vështirë evropian, shenjtores Nënë Tereza. Ky vit shënonte 107-vjetorin e lindjes, 20 vjetorin e vdekjes, një vjetorin e Shenjtërimit, por ishte shumë i varfër për jetën kulturore dhe politike në Shqipëri. Në Kosovë,  prej mëse dhjetë ditësh, po organizohen shumë manifestimeve për bijën e Kombit, humanisten, bamirësen e Madhe të kombit shqiptar - Nënë Terezën. Këto tri data që këto ditë po kremtohen në Kosovë e vende të tjera janë një ndër ngjarjet me të rëndësishme kulturore për popullin shqiptar, por, për fat të keq, jo për Shqipërinë, e cila e ka lënë pas dore këto aktivitete. As Ministra e Kulturës nuk gjendet. Nuk ka asnjë aktivitet që t’i bëhet jehonë, asnjë shfaqje filmi, as teatër, as muzikë, as ekspozita... Kryeministri e ka mendejn tek turizmi, qeveria dhe ankesat e popullit, Presidenti tek të tjerët kanë hallin e partive të tyre, ndërsa televizonet tona mbushin programin me lloj – lloj emisionesh, nga mëngjesi deri natën vonë, me programe të transmetuara nga dhjetë herë se si të gatuajmë e me filma e telenovela turke që na shkatërruan nga nervat e na trazuan identitetin dhe jetën tonë të mbushur me stres. Rai Due i kushtoi mbremë një reportazh të gjatë per verpën dhe jetën e shenjtores. 

Nuk ka injorim më të madh sesa ky nënvlerësim që i bëhet figurës së Nënë Terezës. Bota përkujtoi 20-vjetorin e vdekjes së Ladi Dianës, një mikeshë e Nënë Terezës, sikurse përkujton edhe këtë shenjtore por Shqipëria jo... Sado që të bëhen mbasdite, të “kujtohen” për të, është shumë pak, pasi duhej që prej mëse një jave, nga 26 gushti deri më sot, të kishte aktivitete të përditshme...

Shqipëria nuk gjen as kohë, as hapësira, as aktivitete për të përkujtuar e nderuar këtë shenjtore të madhe, nobelisten e Paqes, Nënë Terezën! Turp!

Të fundit