Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Sot, 26 vjet nga fitorja e parë e Partisë Demokratike; Kthesa madhore e shqiptarëve drejt lirisë

Politiko 22 Mars 2018, 09:21

Një nga themeluesit e PD, aktualisht deputet në kuvendin e Shqipërisë Tritan Shehu kujton 22 marsin, fitoren e parë të PD.

Përmes një statusi në facebook, Shehu e konsideron këtë fitore si kthesën e rëndësishme të shqiptarëve drejt lirisë, që pas rënies së komunizmit.

Shehu po ashtu, publikon edhe foto të asaj dite, ku shfaqet përkrah Sali Berishës, ndërsa mbajnë fjalimet e para si parti e zgjedhur me një sistem pluralist.

STATUSI I PLOTË

22 Marsi është një ditë e madhe në historinë tonë. Për herë të parë në ecurinë e saj, Shqipëria prej asaj date u bë pjesë reale e aktive e Botës Demokratike e Perëndimore.

Fitorja e PD në ato zgjedhje ishte pa dyshim “kthesa” madhore në rrugëtimin e gjatë e të vështirë shqiptar drejt lirisë, vlerave, demokracisë, Perëndimit. Harku kohor i konkretizimit të këtij ndryshimi rrënjësor, për të “shembur” një diktaturë gjakatare, privim të të drejtave më thelbësore, aspiratash të mbytura nën dhunë, pasojat e një historie qindra vjeçare pushtimesh e largimi nga familja jone evropianë, ishte relativisht i shkurtër.

Ai “ndriçon” më 8 Dhjetor 1990 me Lëvizjen Studentore, që u konkretizua në forcë reale ndryshuese pak dite më vonë me themelimin e PD, shpërthen me rrëzimin e simboleve të komunizmit më 20 Shkurt duke goditur “forcën” e diktaturës e duke i hapur rrugë ballafaqimit me krimet e tij, institucionalizon një pluralizëm më 31 Mars, për të triumfuar më tej një vit më vonë me 22 Mars. Një “gjerdan” datash e ngjarjesh madhore të paharrueshme e te shkëlqyera për nga vlera e simbolika e secilës këto, për PD si promotore e për të gjithë Shqipërinë kjo, që kulmojnë me 22 Marsin e 1992-it.

Në fakt këto janë shumë më tepër se kaq, janë themeli e preludi i të gjitha ndryshimeve mahnitëse në tërësi të kombit tonë në këtë 25 vjeçar, ndryshime që pak dekada më parë as mendjet me optimiste nuk mund t’i ëndërronin.

Të fundit