Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Sot votohen ndryshimet kushtetuese, Alimadhi: 28 deputetët firmosën pa e ditur për çfarë flitet; Reagon Ruçi: S’keni pse i anatemoni

Politiko 30 Korrik 2020, 10:17
Sot votohen ndryshimet kushtetuese, Alimadhi: 28 deputetët firmosën pa

Deputeti i opozitës parlamentare, Adriatik Alimadhi deklaron në nisje të seancës së fundit parlamentare, ku sot pritet të votohen ndryshimet kushtetuese, ndonëse nuk u arrit asnjë marrëveshje mbrëmë pas pesë orësh mbledhje në Këshillin Politik, se deputetët që ndërmorën nismën nuk e dinin se çfarë kanë firmosur.

Alimadhi i ka bërë apel Myslim Murrizit, kreun e Grupit Parlamentar Demokrat për ta riparë, pasi sipas tij kjo nismë kushtetuese privon liritë dhe të drejtat e subjekteve politike.

“ Do kërkoja që një nga listat ku kanë firmosur deputetët, të na vihej në dispozicion. Shqetësimi është shkelje ligjore. S’mund të mendoj se një deputet ka firmosur për disa apo në emër të disa deputetëve të tjerë. 28 deputete të opozita parlament , ata nuk kanë ndërgjegjësim të saktë se për çfarë flitet për ndryshimet kushtetuese, ndaj do bëja apel por edhe z. Murrizi si kreu i grupit parlamentar demokrat, se në 25 maj vjet firmosëm dokument ku kërkojmë ndryshimet për sistemin zgjedhor, dhe këtu flitet për një sistem të pastër kombëtar. Do kërkoja edhe nga krerët e grupeve të tjera për ta parë me realizëm sepse kjo nismë kushtetuese privon liritë dhe të drejtat e subjekteve politike bie ndesh me kushtetutën neni 9 dhe ligjin e partive politike”,u shpreh Alimadhi, të cilit iu përgjigj kreu i kuvendit, Gramoz Ruçi.

“Lista është transparente , e botuar në faqen e kuvendit. S’keni pse anatemoni firmëtarët dhe nisur nga pikëpamja proceduriale është legjitime”, tha kreu i kuvendit.

Të fundit