Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Sot vrau 19-vjeçaren, 5 vite më parë Xhafer Mata, vëllezërit e prindërit e tij u përplasën me policinë dhe i shkatërruan makinën

Politiko 8 Qershor 2018, 13:37

Sot vrau 19-vjeçaren, 5 vite më parë Xhafer Mata,

Mëngjesin e sotëm një tragjedi u shënua në Don Bosko. 31 vjeçari Xhafer Mata qëlloi për vdekje 19 vjeçaren duke i marrë jetën dhe pastaj qëlloi veten me armë në kokë.

Nga një kërkim i Politiko.al, rezulton se 31 vjeçari bashkë me prindërit e tij dhe dy vëllezërit 5 vite më parë janë përplasur me policinë.

Ngjarja ka nisur nga mosbindja ndaj urdhrit të postbllokut të Policisë nga ana e 23-vjeçarit Çlirim Mata (vëllait të Xhaferr Matës), që lëvizte me një motor pa targa.

Kjo situatë ka shkaktuar incidentin me pikënisje te kryqëzimi i rrugës “Jordan Misja”, kur makina me targë Policia 2132 ka ndjekur motorin tip “Jamaha”, me ngjyrë të kuqe pa targa. Çlirim Mata, i cili drejtonte motorin, edhe pse ka parë që makina e Policisë i është vënë nga pas me sirenat e ndezura, i ka shtuar edhe më shumë gazin mjetit të tij dhe nuk ka ndaluar derisa i është afruar shtëpisë, në zonën pranë ish-Filantos, te rruga “Don Bosko”.

Por në kohën që efektivat e Policisë po kryenin veprimet për sekuestrimin e motorit pa targa, në zbatim të urdhrit të drejtorit të Përgjithshëm të Policisë, për bllokimin e mjeteve motorike të patarguara, ka ndodhur edhe incidenti i dhunshëm mes familjes prej 5 anëtarësh dhe forcave të Rendit.

Burime zyrtare të Policisë thanë se u arrestuan në flagrancë Çlirim, Taip dhe Safije Mata, përkatësisht djali 23 vjeç, babai 54 vjeç dhe nëna 48 vjeçe.

Ndërsa ka nisur procedim penal në gjendje të lirë edhe për dy djemtë e tjerë të familjes, Krenar dhe Xhaferr Mata, 28 e 23 vjeç.

Si ndodhi incidenti me 25 shtator 2012:

Një makinë e Komisariatit Nr.3, me targë Policia 2132, ku ndodheshin dy efektiva të rendit, i ka bërë shenjë për të ndaluar një të riu që lëvizte me motor pa targa. Por personi që drejtonte motorin, Çlirim Mata, 23 vjeç, nuk i është bindur urdhrit të Policisë dhe ka vazhduar lëvizjen në drejtim të shinave të trenit përgjatë rrugës “Jordan Misja”.

Patrulla i është vënë pas, derisa motori është futur në një rrugicë në krahun e majtë të rrugës dhe nga aty ka dalë në rrugën “Don Bosko”, duke ndaluar tek ish-Filanto, pranë shtëpisë ku banonte. Në një kohë që patrulla e Policisë ka kërkuar përforcime nga grupi i gatshëm, në “ndihmë” të 23-vjeçarit që nuk i bindej Policisë, ka dalë fillimisht nëna e tij Safije Mata, 48 vjeçe, e cila ka debatuar ashpër me shërbimet e rendit, duke i fyer dhe kundërshtuar, në mënyrë që të mos i shoqëronin djalin. Më pas situata është tensionuar edhe më shumë, kur edhe babai i tij, Taip Mata, 54 vjeç, i është bashkuar të shoqes dhe djalit, duke kryer të njëjtat veprime kundër Policisë.

Për shkak të rrëmujës së krijuar, në vendngjarje kanë shkuar edhe dy djemtë e tjerë të familjes, Krenar e Xhaferr Mata, 28 dhe 23 vjeç, të cilët janë treguar disi më të përmbajtur, por njëkohësisht kanë penguar Policinë në ushtrimin e detyrës.

Duke përfituar nga kjo situatë, nëna e djalit të ndaluar, ai vetë, si dhe babai i tij, kanë goditur dy efektivat, më pas kanë thyer të gjithë xhamat e makinës së Policisë, duke e goditur me gurë e sende të tjera të forta.