Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Spahia: Dorëheqja e mjekëve, akt që tregon dështimin e plotë të sistemit shëndetësor nën drejtimin e qeverisë Rama

Politiko 5 Dhjetor 2017, 18:06

Spahia: Dorëheqja e mjekëve, akt që tregon dështimin e

Deputeti i Partisë Demorkatike Bardh Spahia ishte në QSUT ku takoi mjekët që kanë njoftuar largimin nga detyra. Në prononcimin për mediat pas takimit, Spahia u shpreh se dorëheqja e mjekëve të Urgjencës së QSUT është tronditëse dhe një akt që tregon në thelb dështimin e plotë të sistemit.

Komunikimi i plotë me mediat i deputetit Spahia:

Çfarë ju thanë mjekët pas takimit që patët me ta?

Sistemi shëndetësor është në kaos total me mungesa të theksuara në të gjitha aspektet përsa i përket medikamenteve të ndryshme, pajisjeve mjeksore, por dhe kushteve jashtëzakonisht të vështira. Unë do t’i konsideroja kushte të tmerrshme, në të cilët janë të detyruara të punojnë punonjësit e sistemit të shëndetësisë, duke filluar nga mjekët, infermierët dhe të gjithë anëtarët e personelit shëndetësor shqiptar.

Dorëheqjen e mjekëve të Urgjencës së QSUT e konsideroj tronditëse, një akt që tregon në thelb dështimin e plotë të sistemit shëndetësor nën drejtimin e kësaj qeverie. Ky sistem ka patur mangësitë e veta përgjatë viteve dhe në qeverisjen tonë, por asnjëherë nuk ka qenë i dhunuar si sot në thelbin e vet.

A janë të vendosur mjekët për t’u dorëhequr apo janë tërhequr nga ky akt?

Ka një vendosmëri absolute të mjekëve dhe të personelit shëndetësor të QSUT, por dhe në Shqipëri në tërësi për ta ngritur zërin për kushtet e patolerueshme në të cilët ndodhen, që janë detyruar të punojnë, në mangësi ekstreme në ilace, pajisje mjekësore, por dhe në organiziminn e punës së tyre. Përballen cdo ditë dhe cdo natë me këto kushte ekstreme, për të cilët tashmë në mënyrë të qartë, nuk janë dakort të punojnë.

Cili është qëndrimi i Partisë Demokratike?

Ne jemi në mbështetje të plotë të mjekëve të Urgjencës së QSUT , të kërkesave të tyre, dhe domosdoshmërisë së ndryshimit të kushteve tejet të vështira në të cilat ndodhen. Sigurisht arsyeja qëndron dhe te korrupsioni ekstrem që ka kapur nga fyti këtë system. Do të mjaftonte anullimi i koncesioneve të famshme korruptive prej 400 milionë euro, që u janë dhënë njerëzve të afërm të kryeministrit Rama. Do të mjaftonte anullimi i koncesioneve tërësisht korruptive për të ndryshuar kushtet në medikamente, në pajisje mjekësore, por edhe pagat e personelit mjeksor dhe infermierëve dhe gjithë sistemit shëndetësor dhe ta kthente sistemin dhe personelin mjeksor shqiptar nga një personel që dëshpërimisht kërkon të lerë Shqipërinë për të marrë rrugët e botës në një sistem normal.

Çfarë ju thanë mjekët?

Në çdo takim me mjekët ankesat e tyre janë shumë herë më të thellë dhe shumë herë më të forta se çfarë kanë deklaruar në letrën e tyre. Unë ju siguroj se pakënaqësia dhe revolta ndër mjet mjekëve shqiptarë është vetëm në fillimet e veta. Ajo po mblidhet dhe po grumbullohet dhe mjekët, siç ju takon në fakt, si pjesë e elitës shqiptare, do të dijnë të reagojnë fuqishëm për situatën e patolerueshme që po kalon sistemi shëndetësor dhe vendi në përgjithësi.