Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Spaho: Synimi i mazhorancës është që në Shqipëri të importohen plehëra!

Politiko 27 Shtator 2017, 17:20

Spaho: Synimi i mazhorancës është që në Shqipëri

Komisioni parlamentar i Veprimtarisë Prodhuese ka marrë në shqyrtim dekretin e ish-presidentit ku kërkohet rishikimi i projektligjit të importit të mbetjeve. Ky dekret do të kalojë nesër në Parlament. Më 14 tetor të vitit të shkuar, kreu i shtetit vendosi t’i kërkojë parlamentit rishikimin e disa neneve me argumentin se cenohej parimi kushtetues i një mjedisi të shëndetshëm. Sipas Nishanit, lejimi i importit të mbetjeve gjeneron një ndotje shtesë në raport me popullsinë dhe territorin e vendit. Po ashtu nënvizohet se drafti është në kundërshtim me parimet e kërkuara prej Bashkimit Evropian.

Kreu i grupit parlamentar të PD, Edmond Spaho, në rubrikën “Opinion” në “News24” ka thënë se është e vendosur që ligji për mbetjet të kalojë në referendum popullor. “Me fillimin e legjislaturës së re e riaktivizuam kërkesën tonë dhe kërkuam të shqyrtohej nga konferenca e kryetarëve dhe të kalohej në seancë për votim. Ndeshëm në qëndrim kokëfortë për të mos e trajtuar këtë çështje duke u kapur në argumente të paqëndrueshëm, jo thelbësorë. Argumenti i vetëm ishte që kërkesën e para 1 viti kanë firmosur disa deputetë që nuk janë sot në Kuvend. Nëse do ishte kështu i bie që edhe dekreti i Nishanit të mos shqyrtohej se i ka mbaruar afati. Argumenti i paraqitur nga maxhoranca është i pa logjikë, për më tepër që kërkesa është bërë nga grupi parlamentar, nuk është iniciativë individuale nga disa deputetë. Është një kërkesë që na e jep Kushtetuta. Kështu që me veprimin që kryen, bllokuan jo vetëm vullnetin e një grupi parlamentar por edhe qytetarëve. Jo më kot janë ndërtuar 3 inceneratorë në Shqipëri dhe në plan për të ndërtuar të tjerë. Plani është që në Shqipëri të importohen mbetje, madje jo mbetje por plehra, bëhet fjalë për djegie plehrash. Sipas shkrimeve dhe gazetave të revistave të huaja, thonë që në Shqipëri janë importuar plehra apo mbeturina, pavarësisht ndalimit me ligj”, tha Spaho.

Spaho sqaroi edhe arsyet se pse duhet ky referendum. Sipas tij, nëse ka një votim të qytetarëve asnjë qeveri nuk mund të miratojë një ligj për importin pa një referendum të dytë që të kundërshtojë të parin.

“Ka një histori që nga koha e qeverisjes së PD-së dhe ne kemi bërë autokritikë dhe kemi premtuar që nuk do t’i kthehemi më çështjes së importit të mbetjeve. Të njëjtën histori përsëriti Edi Rama në 2013, por në fund të mandatit solli në Kuvend ligjin për importin e mbetjeve duke i veshur një lloj kozmetike. Në duam që këto histori të mos përsëriten më. Të bëhet një referendum që në Shqipëri të mos importohen mbetje. Në rast se populli shprehet kundër, asnjë qeveri nuk ka të drejtë të importojë mbetje, pa një referendum të dytë”, tha Spaho.

Lidhur me zvarritjen në Kuvend të kërkesës së grupit parlamentar të PD-së, Spaho u shpreh se maxhoranca e ka bllokuar në mënyrë jo ligjore.

“Detyrimisht duhet të kalojë. Kanë përdorur forcën e numrave, arrogancën. Është bllokuar në mënyrë jo ligjore. Sipas rregullores së Kuvendit duhet të futet në shqyrtim dhe të miratohet. Maxhoranca kapet me aspekte teknike, ne do t’i plotësojmë dhe ato”, tha Spaho.