Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Spiropali kampione në Kuvend dhe në ‘FB’ për fjalorin fyes; sulmon ashpër Alibeajn: Demokrat me mendësi totalitare

Politiko 27 Gusht 2018, 17:44

Spiropali kampione në Kuvend dhe në ‘FB’ për fjalorin

Deputeti i Partisë Demokratike, Enkelejd Alibeaj ka folur së fundmi për projektligjin që pritet të dorëzojë opozita në Kuvend për dekomunistizimin. Plani parashikon që në filmat e realizuar gjatë periudhës së komunizmit, si dhe në librat e shkruar në atë periudhë, të vendoset një shpjegim që brezi i ri të jetë i ndërgjegjshëm për propagandën që shpërndante sistemi i Enver Hoxhës nëpërmjet artit.

Por kundër kësaj nisme ka reaguar ashpër Elisa Spiropali, deputete e Partisë Socialiste. Spiropali ka publikuar një status të gjatë kundër Alibeajt, ndaj të cilit përdor një fjalor fyes dhe denigrues, duke konfirmuar në këtë mënyrë raportin e Institutit të Studimeve Politike që e nxorri deputeten socialiste në krye të listës për fjalorin e pistë në Kuvend.

Spiropali nuk jep asnjë argument kundër këtij projektligji, por e quan Alibeajn “demokrat me mendësi totalitare prej inkuizitori mesjetar”, që sipas saj, “po kërkon hiç më pak se të mësojë shqiptarët si të lexojnë librat, si të dëgjojnë muzikën, si të kqyrin pikturat e skulpturat.”

Reagimi i Elisa Spiropalit:

Demokrati me mendësi totalitare prej inkuizitori mesjetar, Enkelejd Alibeaj, po kërkon hiç më pak se të mësojë shqiptarët si të lexojnë librat, si të dëgjojnë muzikën, si të kqyrin pikturat e skulpturat.

Është akti më idiot, më i turpshëm, më grotesk, që një politikan shqiptar ka bërë gjatë krejt Historisë tonë. Është krejt njëlloj sikur popullit t'i vësh damkën e budallait.

Demokrati me mendësi aventuroze që do të bëjë propagandën e sotme me librat e djeshëm, megjithatë e ka një farë vlere; Gjithkujt prej shqiptarëve të sotëm që dëshiron të dijë çfarë ishte komunizmi i pashpirt, diktatura çnjerëzore, propaganda, vigjilenca proletare, lufta e klasave, i mjafton të dëgjojë çfarë thotë për librat dhe Artin ky demokrat me mendësi prej censori, e pjesëton me dhjetë, dhe ka mbaruar punë, për diktaturën di gjithçka.

Çfarë kërkon të bëjë me librat ky aparatçik, është më zi se çfarë kanë bërë me librat, inkuizicioni, Mao Ce Duni, diktatori shqiptar, dhe të tjerë, të cilët nuk kanë guxuar të mësojnë askënd si të lexojë, ata, përmes një ushtrie me censorë dhe redaktorë, librat e padëshiruar thjesht i digjnin ose i shndrronin në karton.

Të njëjtën gjë do të bëjë edhe ky Nëpunës i Pallatit të Ëndrrave të Bashës, por në një mënyrë pakrahasimisht më të shëmtuar, më burracake; me moralizime, komisione, komitete, ligje.

Të duash të dalësh nga bataku politik me shtojca moralizuese gjoja shpjeguese mbi libra, më keq se kaq shqiptarët nuk ka guxuar t'i ofendojë kurrë askush.