Flash News

Mandati i EULEX-it në Kosovë zgjatet deri në vitin 2027

Shkatërrohet rrjeti i trafikantëve të drogës, 11 arrestime në Foggia, në qendër të hetimit një shqiptar

Gara për kreun e BKH-së, përfundon sot afati për aplikimet

Plagosi çiftin e bashkëshortëve në Rrogozhinë, ja kush është autori

Plagosi me armë fqinjët, vetëdorëzohet në polici autori

KRYESORE

Stadium, por jo vetëm. Arena Kombëtare drejt fundit të punimeve (Fotot)

Politiko 20 Tetor 2019, 15:28

Punimet në stadiumin e ri ‘Arena Kombëtare’ janë drejt fundit. Bashkia e Tiranës njofton se stadiumi i ri do të shërbejë jo vetëm për ndeshjet e Kombëtares, por edhe si një qendër e re graviteti social për Tiranë, pasi do të ketë më shumë shërbime dhe argëtim.

Kryebashkiaku Veliaj inspektoi fundin e punimeve, së bashku me arkitektin italian Marco Casamonti, i cili ka realizuar projektin e stadiumit.

 “Bizhu për Tiranën dhe Shqipërinë”, e quajti Veliaj stadiumin e ri.

“Për ata që gjithashtu kanë dyshime për Teatrin Kombëtar apo për Kopshtin Botanik, ato do të jenë bizhutë e tjera të Tiranës. Kjo është një pikë graviteti jo vetëm për të luajtur futboll, por edhe për kulinarinë, turizmin, për hotelin fantastik, elegant. Unë e di se çdo projekt ka kritikat e veta, ka debat, por ama tërmeti na tregoi se nuk e kishin problemin kullat. Kullat, në fakt, me këto strukturat moderne, rezistuan pa një ciflosje. Janë ndërtimet e vjetra ato që nuk durojnë, ato prej qerpiçi, në pjesën më të madhe të bëra pa leje, ato ka nevojë të ndryshojë Shqipëria. Pavarësisht se ishim që nga dita e parë kritikë, ose përqafues të këtij projekti, të gjithë në unison mund të themi një bravo. Na duhet të kapim ritmin e Tiranës për shumë projekte të tjera që na presin, duke filluar nga Teatri Kombëtar, nga Kopshti Botanik e shumë ndryshime”, tha Veliaj.

Po ashtu kryebashkiaku njoftoi se projekti më i ri që do të nisë në kryeqytet është ai i transformimit të Piramidës në qendrën më të madhe të teknologjisë së informacionit.

“Projekti ynë i radhës do të jetë Piramida e Tiranës, një bizhu në një zonë tjetër. Sikur çdo kuadrat i Tiranës të ketë një ndërtim të tillë, kaq cilësor, i jep jetë dhe i shton vlerë të gjithë asaj zone”, theksoi Veliaj.

 

Të fundit