Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Statuti i ri, Fatbardh Kadilli: S’ka kryetar të përjetshëm, ndryshimet do të rrisin transparencën

Politiko 23 Prill 2018, 19:48

Statuti i ri, Fatbardh Kadilli: S’ka kryetar të përjetshëm,

Sekretari i Burimeve Njerëzore në PD, Fatbardh Kadilli ka hedhur poshtë zërat se me ndryshimet e statutore ‘hipotekojnë’ karrigen e kryetarit, Lulzim Basha.

I ftuar në rubrikën ‘Opinion’ në News24, Kadilli garantoi se zgjedhja e kryetarit bëhet çdo 4 vjet me parimin një anëtar një votë dhe nëse një grupim është i pakënaqur me punën e kryetarit, mund t’i bëjë në çdo kohë mocion mosbesimi.

Sipas tij, një e pesta e anëtarëve e mbledh Këshillin Kombëtar dhe nëse votohet me 50 % plus 1, edhe në Kuvendin Kombëtar, atëherë kryetari mund të shkarkohet dhe hapet proces i ri për një anëtar një votë.

“Dorëheqja është element etik dhe nuk mund të jetë element statutor. Nuk e ka asnjë prej partive popullore europiane që ne marrim për referencë. Nuk e ka askush. Kryetarin e zgjedhim me parimin një anëtar një votë. Pra është një referendum. Por sot në statut janë garancitë se si një grup që pretendon se kryetari i partisë nuk performon apo gabon politikisht i propozon Këshillit Kombëtar mocion mosbesimi. Nëse votohet nga gjysma e Këshillit, ky mocion i shkon Kuvendit Kombëtar. Pra kryetari mund të shkarkohet dhe ja pra që është një instrument, por duhet të bësh votat në Kuvend dhe kryetari nuk ikën se ashtu mendoj unë apo dikush tjetër. Kjo bëhet nëse mendon kështu shumica e Këshillit dhe Kuvendit Kombëtar. Pra instrumentat janë dhe mund të mbledhin Këshillin Kombëtar por të mos gënjejnë kur të dalin nga Këshilli pasi rrijnë 5 minuta, marrin njëherë fjalën dhe pastaj thonë që nuk na lanë të flisnim. Kjo është gënjeshtër”, ka sqaruar Kadilli.

Sa i takon qëndrimeve të dy anëtarëve të Këshillit Kombëtar të PD-së, Edit Harxhi dhe Edvin Kulluri, të cilët u shprehën të pakënaqur me mos-miratimin e disa propozimeve të tyre, Kadilli thekson se ata nuk pranuan të bisedojnë.

“Platforma për ringritjen e PD e propozuar nga një grup ish drejtuesish në PD dhe dokumenti statuti alternativ nga Harxhi dhe Kulluri, u përdorën dhe u shqyrtuan nga grupi i punës dhe madje kemi bërë takime me to. Po ashtu z. Malko ka qenë pjesë e diskutimeve dhe debateve por ne nuk u mjaftuam vetëm me atë ndaj kemi marrë kontakte me Patozi, Bode, Mustafaj. Thelbi i debatit ka qenë një statut që do jepte më shumë hapësira dhe më efektive. Nga grupi tjetër, me Harxhin dhe Kullurin nuk pranuan të bisedojmë duke thënë që kemi sjellë propozimin” tha Kadilli.

Ai nënvizoi risitë e statutit t ri që disa prej të cilit vijnë nga vetë propozimet e kritikëve, konkretisht nga statute alternative i Harxhi siç është Komisioni i Vlerësimit të Kandidatëve.

“Propozimi më i zëshëm i bërë nëpërmjet statutit alternative të Harxhi dhe Kulluri, si model i marrë nga konservatorët britanikë, që të ngrihet një komision i vlerësimit të kandidatëve. Këtë propozim e kemi marrë nga znj Harxhi dhe z Kulluri. Kjo e bën më transparent dhe më të hapur procesin. Çdo kush që ka ambicien për të hyrë në politikë të ketë kanalin e vetë dhe kjo zgjeron në vendimmarrjen edhe Këshillin Kombëtar për kandidaturat. Me rregullore të brendshme do të detajohet se si do të bëhet konsultimi me bazën e partisë me anëtarësinë. Kjo është një garanci statutore”, ka përfunduar Kadilli.