Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Strazimiri i kërkon llogari Ramës: Çfarë tregojnë kamerat e stacionit të policisë së Fushë Krujës?

Politiko 6 Tetor 2018, 12:09

Strazimiri i kërkon llogari Ramës: Çfarë tregojnë

Deputeti i Partisë Demokratike, Gent Strazimiri ka kërkuar nga kryeministri Edi Rama që t’i tregojë publikut se çfarë tregojnë kamerat e komisariatit të Fushë Krujës, për ngjarjet e ndodhura më 21 korrik.

Nënkomisar Emiljano Nuhu, i cili ndodhet për azil politik jashtë vendit, ka akuzuar deputetët Taulant Balla dhe Rrahman Rraja se ka qenë të pranishëm në komisariat kur ai është kërcënuar me armë në kokë për të liruar Rexhep Rrajën. Sipas Strazimirit, Rama shipku katër për të mbrojtur Ballën.

Deputeti demokrat pyet se çfarë po e detyron Ramën që të bëjë rolin e memecit dhe të mos flasë për filmimet në komisariatin e Fushë Krujës, ku ndodhen të instaluara të paktën tetë kamera.

Reagimi i plotë i Gent Strazimirit:

Edi Rama vazhdon të heshtë, sepse nuk guxon të thotë të vërtetën e pranisë së Taulant Ballës, Artur Bushit dhe Rrahman Rrajës në Policinë e Fushë Krujës më 21 Korrik.

Në praninë e tyre, nënkomisar Emiljano Nuhu dëshmoi se u kërcënua me pistoletë në kokë brenda Stacionit të Policisë së Fushë Krujës, që të ndalte përballjen me ligjin të djalit përdhunues të deputetit të Edi Ramës.

Për të mbrojtur anëtarët politikë të bandës së Fushë Krujës, Edi Rama mashtroi publikisht, kur deklaroi se skandali u publikua fillimisht “nga vetë Taulant Balla” e jo nga intervista/denoncim e policit Emiljano Nuhu, të “ndjekur këmba-këmbës” nga banda.

Në këto 11 ditë makineria e tij e propagandës shpiku 4 alibi për Taulant Ballën, që nga inaugurimet deri tek dalja për peshk ditën e 21 Korrikut, por pengut të krimit, Edi Rama, ia ka mbyllur gojën një pyetje fare e thjeshtë:

Çfarë tregojnë kamerat e Stacionit të Policisë së Fushë Krujës?

Pse hesht Edi Rama prej 11 ditësh për përmbajtjen e pamjeve të 21 Korrikut, që tregojnë kush ka hyrë e kush ka dalë nga zyrën e oficerit të policisë Emiljano Nuhu?

Kush po e detyron Kryeministrin tonë gojështhurur të bëjë rolin e memecit?

Në Stacionin e Policisë së Fushë Krujës, i cili hidhet në erë me tritol 1 ditë po, 1 dite jo, janë të paktën 8 kamera që funksionojnë 24 orë në ditë.

Qytetarët e dinë se nëse dëshmia e nënkomisar Nuhut do të ishte e pavërtetë, pamjet e 21 Korrikut pa Taulant Ballë në Fushë Krujë, do të ishin të kudogjendura.

Derisa Edi Ramës t’i vijë goja, nuk do t’i ndahemi këmba këmbës këtij horri!

Çështja ‘Xhisiela’/ Rama, “peng” i listës së Durrësit; shkarkimi i Rrajës fut në Kuvend “njeriun e LSI”-së