Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Studimi i BE, Basha: Më shumë se 20% të votuesve iu ofrua para, prandaj qeveria Rama u kthye në organizatë kriminale

Politiko 27 Nëntor 2017, 16:57
Studimi i BE, Basha: Më shumë se 20% të votuesve iu ofrua para,

Kreu i PD-së, Lulzim Basha ka reaguar pas publikimit të studimit “Jeta informale e partive politike në shoqëritë e Ballkanit Perëndimor”, i financuar nga Bashkimi Evropian, ku bëhej e ditur se mbi 20% të votuesve i ishin ofruar para për votën.

Basha thekson se ky numër është më i lartë po të kihet parasysh se shumë persona nuk tregojnë të vërtetën, ndërsa akuzon kryeministrin Edi Rama se ka blerë votat me paratë e drogës dhe të krimit. Kjo është arsyeja sipas Bashës që qeveria Rama “u kthye gradualisht në një organizatë kriminale të përfshirë direkt në mbështetjen e trafikimit të drogës, në pastrimin e parave të drogës me anë të PPP-ve, në zhvillimin e një industrie mafioze të plehrave dhe aktivitete të ngjashme”.

Reagimi:

Në Shqipëri votat janë blerë në mënyrë masive. Një studim i financuar nga BE ka zbuluar se mbi 20 për qind të votuesve u është ofruar para ose favore në shkëmbim të votës. Numri i vërtetë është edhe më i madh, po të kihet parasysh se shumë persona zgjedhin të mos e tregojnë këtë të vërtetë.

Studimi është një tjetër tregues i blerjes masive të votave nga Edi Rama me anë të parave të drogës dhe të krimit.

Një pushtet që merret me krim, mund të mbahet vetëm me më shumë krim. Prandaj qeveria Rama u kthye gradualisht në një organizatë kriminale të përfshirë direkt në mbështetjen e trafikimit të drogës, në pastrimin e parave të drogës me anë të PPP-ve, në zhvillimin e një industrie mafioze të plehrave dhe aktivitete të ngjashme.

Në të njejtën mënyrë, Edi Rama do vazhdojë të zhytet edhe më thellë në krim çdo ditë e më shumë që ai do të jetë në pushtet. Prandaj krijimi i një qeverie antimafia që i hap rrugë nje reforme të mirëfilltë zgjedhore është hap i parë dhe i domosdoshëm për kthimin e legjitimitetit të zgjedhjeve dhe fillimin e pastrimit të politikës nga krimi.

Të fundit