Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Studimi gjerman: Partitë politike mashtrojnë, fushata e zgjedhore e 2017-ës kushtoi 23 milionë euro

Politiko 25 Prill 2019, 19:54
Studimi gjerman: Partitë politike mashtrojnë, fushata e zgjedhore e

Në Tiranë, u publikua sot një studim mbi financimet dhe kostot e fushatave zgjedhore, realizuar nga fondacioni Westminster për Demokraci (WFD). Partitë politike deklarojnë financime deri 1.8 milionë euro, por sondazhet dhe pyetësorët zbulojnë kosto dhe harxhime shumë herë më të larta gjatë fushateve.

Përfaqësuesi i studimit, Besart Kadia shprehet se fushata e vitit 2017 ka rezultuar 23 mln euro dhe jo1.8 milion euro që është deklaruar zyrtarisht, ndërsa shpenzimet për tu bërë deputet variojnë nga 166 në 200 mijë euro.

“Ne na rezulton që kostot e fushatës të deklaruara janë 1.8 milion euro zyrtarisht nga të gjitha partitë politike në Shqipëri për zgjedhjet e fundit në 2017, ndërkohë që të paktën me pyetësorin që kemi pasur me deputetë apo kandidatë për deputetë vihet re që shifra është më e lartë.Përafërsisht, njerëz që janë marrë me këtë në mënyrë anonime janë shprehur se kosto shkon deri në 23 milion euro në fushatën elektorale të 2017”, deklaroi ai.

Sipas studimit, kostoja e zgjedhjes së një deputeti është 166 mijë euro, por një pjesë e madhe të dhënash financiare nuk regjistrohen. Studimi u bazua mbi pyetësorë me deputetë dhe sondazhe me politkanë dhe biznesmenë, që i kanë hyrë politikës.

Grupi i parë i kandidatëve për deputetë ua paguan fushatën partia. Grupi i dytë janë biznesmenët që parapaguajnë praninë e tyre në politikë, dhe që përbëjnë 25% e parlamentit aktual, ndërsa grupi i tretë janë ata që paguajnë kosto fushate edhe për persona të tjerë.

Vëzhguesit ndërkombëtarë kanë kërkuar që partitë të nxjerrin një kosto mesatare fushate, ndërsa policia ka deklaruar se gjatë fushate organizohen mbi 2600 tubime.

Të fundit