Flash News

Posta e mëngjesit/ Me 2 rreshta: Çfarë pati rëndësi dje në Shqipëri

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

KRYESORE

Studimi i Gallup alarmon për zbrazjen e vendit nga të rinjtë, Basha akuza qeverisë; tregon planin e PD për rininë: Mundësi dhe punë

Politiko 24 Gusht 2020, 10:11
Studimi i Gallup alarmon për zbrazjen e vendit nga të rinjtë,

Kryetari i Partisë Demokratike, Lulzim Basha, ka akuzuar kryeministrin Rama se e ka kthyer Shqipërinë në një vend të padëshiruar për të rinjtë, të cilët po largohen çdo ditë e më tepër.

Përmes një postimi në rrjetet sociale, kryedemokrati ka publikuar raportin e fundit të Gallup, i cili tregon se 1 ndër cdo 3 persona që largohet nga vendi ynë është i ri apo e re.

Basha tregon se arsye për largimin e të rinjve hqiptarët janë mundësitë e ulëta për arsimim, dhe se edhe ata që arsimohen po ashtu kanë më pak mundësi punësimi.

Postimi i plotë i Bashës:

1 në çdo 3 persona që ikën nga vendi ynë është i ri apo e re, ndërsa Shqipëria është ndër vendet me largimin më të madh të trurit në rajon, sipas raportit më të fundit nga @Gallup.

Sot shqiptarët largohen sepse kanë më pak mundësi për arsimim dhe ata që arsimohen më pak mundësi për punësim. Me Edi Ramën janë promovuar ata që kanë rekorde kriminale dhe jo të rinjtë e mirëshkolluar. Taksat e larta të qeverisë Rama këto 7 vjet kanë marrë më shumë para nga xhepat e të rinjve se çdo qeveri tjetër, teksa korrupsioni nuk lë të ecin përpara ata që janë profesionistë të ndershëm.

Largimi i të rinjve është një plagë tjetër e madhe për Shqipërinë. Ne do të bëjmë gjithçka për t’imbajtur në vendin tonë të rinjtë si krahun më vital të punës. Plani ynë do të mbështesë iniciativat e të rinjve, kushtet e duhura për punësimin dhe sipërmarrjet e tyre. Ata kanë plot ide, pasion dhe energjinë e duhur për t’i dhënë një hov të madh pozitiv zhvillimit të vendit.

Ne do të çlirojmë tregun nga monopolet që ekonomia jonë të marrë frymë lirisht: me taksa të ulëta, investime në teknologji dhe një politikë fiskale që mbështet punën.

Plani ynë do të krijojë hapësira që kushdo që dëshiron të arsimohet e të punësohet ta bëjë këtë në vendin e vet. Shqiptarët duan një qeveri që kujdeset për njerëzit dhe që u bëhet atyre krah, një qeveri që ofron mundësi dhe punë per djemtë dhe vajzat tona! #ditemetemira

Të fundit