Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Studimi i ISP: Kush janë gratë deputete më aktive në Parlament, të besuarat e krerëve të grupeve

Politiko 29 Gusht 2019, 13:18

Gratë deputete kanë performancë më pozitiv sesa përqindja e tyre në parlament dhe sesa pjesa tjetër e parlamentit.

Instituti i Studimeve Politike ka renditur emrat konkretë të deputeteve gra që kanë mbajtur më shumë fjalime gjatë periudhës janar – gusht 2019.

Bëhet fjalë për Vasilika Hysi, Rudina Hajdari, Ermonela Felaj, Antoneta Dhima, Blerina Gjylameti dhe Eglantina Gjermeni. Nga PD: Albana Vokshi, Jorida Tabaku dhe Grida Duma), por edhe kur dolën nga Kuvendi, sërish si ish deputetet e PD në aktivitetin jo parlamentar përsëri kryesonin, Tabaku dhe Vokshi.

“Nga të dhënat e raportit “Parlamenti në kohën e krizës: Monitorim, analizë dhe problematika” – periudha janar – gusht 2019” publikuar nga Instituti i Studimeve Politike me mbështetjen e Embassy of the Netherlands in Albania rezulton se gratë deputete kanë performancë, të dhëna dhe bilanc shumë më pozitiv sesa përqindja e tyre në parlament dhe sesa pjesa tjetër e parlamentit. Konkretisht, në 10 deputetët me nivelin më të lartë të efektivitetit në parlamentin aktual gjashtë janë gra (Vasilika Hysi, Rudina Hajdari, Ermonela Felaj, Antoneta Dhima, Blerina Gjylameti dhe Eglantina Gjermeni). Nga deputetët e PD që dorëzuan mandatet gjatë sesionit në katër vendet e para me treguesit më të lartë të efikasitetit janë tre gra (Albana Vokshi, Jorida Tabaku dhe Grida Duma), nga ish deputetët e PD në aktivitetin jo parlamentar përsëri kryesojnë dy gra, Tabaku dhe Vokshi. Në parlament kemi një grua kryetare grupi, për herë të parë pas 2009 (e fundit ishte Valentina Leskaj) kemi një grua deputete, Rudina Hajdari, ndërkohë që nga deputetët e rinj në parlament janë disa gra me tregues pozitiv angazhimi. Edhe në vlerësimin e ministrave më aktiv në parlament, lista kryesohet nga dy gra ministre, Elisa Spiropali dhe Etilda Gjonaj, thuhet në raport.

Megjithatë, edhe në këtë rast, sipas raportit të ISP, gratë deputete preferohen më shumë nga kryetarët e grupeve për t’u besuar fjalimet në emër të grupit ose komisioneve, por që lidhet me disa faktorë.

“Aspekt tjetër është analiza e tërësisë së fjalimeve të deputetëve në parlament në raport gjinor. Nga të dhënat krahasuese rezulton se gratë deputete kanë shumë më tepër angazhim në rastet kur flasin në emër të grupit parlamentar ose komisionit parlamentar, sesa kur marrin nisma personale për fjalime. Në numrin total të fjalimeve gratë deputete zënë 36% nga vetëm 28% të grave deputete (pa llogaritur ministrat). Pra, gratë deputete kanë pasur 8% më shumë fjalime sesa pesha e tyre e përfaqësimit parlamentar. Në kategorinë e fjalimeve si individë, gratë deputete kanë 2% më pak angazhim sesa në numrin total të fjalimeve.

Në fjalimet në emër të grupit gratë deputete zënë përqindje më të lartë, 47%, pra 19% më shumë sesa përqindja e grave deputete në parlament. Fakti se gratë deputete preferohen më shumë nga kryetarët e grupeve për t’u besuar fjalimet në emër të grupit ose komisioneve lidhet me disa faktorë, ku më kryesori është interesi elektoral i partive në parlament për të promovuar gratë deputete, si dhe vetë natyra e fjalimeve të tyre, e cila dominohet më shumë nga argumenti dhe referimi në Rregullore sesa në ligjërim të ashpër politik ndaj palës tjetër politike”, theksohet në raportin e ISP.