Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Studimi i ri për Covid-19 konkludon: Masat shtrënguese të mos hiqen plotësisht, për sa kohë nuk ka një vaksinë

Politiko 10 Prill 2020, 12:12
Studimi i ri për Covid-19 konkludon: Masat shtrënguese të mos

Masat shtrënguese në të gjithë globin nuk të hiqen plotëisht derisa të gjendet një vaksinë për trajtimin e koronavirusit, konkludon një studim i ri  i publikuar në revistën shkencore “The Lancet”, i cili bazohet mbi sjelljen e virusit në Kinë.

Kufizimet e ashpra të Kinës në jetën e përditshme duket se kanë ndalur valën e parë të Covid-19 në pjesën më të madhe të vendit, por studiuesit përdorën modelimin matematikor për të treguar se heqja e parakohshme e masave mund të sjellë një valë të dytë të infeksionit.

Autoritetet i dhanë fund shtetrrethimit 76 ditor të Wuhanit, në vatrën e shpërthimit të virusit, ditën e mërkurë, ndërkohë që pjesa tjetër e globit ndodhet në një fazë delikate.

Ky studim kunkludon se shpejtësia e infeksionit mund të rritet sërish nëse qeveritë nuk monitorojnë siç duhet lirimin e masave. Fundi i karantinës është i sigurt vetëm në momentin e gjetjes së vaksinës.

“Ndërsa këto masa kontrolli duket se kanë zvogëluar numrin e infeksioneve në nivele shumë të ulëta, pa imunitet kundër Covid-19, rastet mund të rikthehen lehtësisht pasi bizneset, puna në fabrika dhe rifillimi i shkollavec rrisin përzierjen sociale, veçanërisht duke pasur parasysh rrezikun në rritje të rasteve të importuara nga jashtë, pasi Covid-19 vazhdon të përhapet globalisht”, thotë Profesori Joseph T Wu nga Universiteti i Hong Kongut, i cili bashkëdrejtoi studimin.

Ai paralajmëroi se shpejtësia e infeksionit do të rritet nëse qeveritë nuk sigurojnë që kufizimet të hiqen ngadalë dhe transmetimi të monitorohet nga afër.

Studiuesit thanë se  ideja se "lehtësimi i madh i masave do sjellë përfitime shoqërorë si rihapja e vendeve të punës, nga ana tjetër do të krijonte rrezikun jo më pak të përfillshëm të vënies në rrezik të shëndetit”.

Analiza në raportin e Lancet gjithashtu konkludoi se rreziku i vdekjes për ata që rezultuan pozitivë për Covid-19 ndryshonte ndjeshëm në pjesë të ndryshme të Kinës, bazuar në zhvillimin ekonomik dhe disponueshmërinë e burimeve të kujdesit shëndetësor.

Shkalla e vdekjes në Hubei ishte 5.91%, gati gjashtë herë më e lartë se jashtë krahinës, ku ishte 0.98%, zbuloi studimi.

“Megjithëse politikat e kontrollit të tilla si distanca fizike dhe ndryshimi i sjelljes ka të ngjarë të mbahen për ca kohë dhe ka të ngjarë të jetë strategjia më e mirë derisa vaksinat efektive të bëhen gjerësisht të disponueshme”, konkluduan studiuesit.

CNN

Të fundit