Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Studimi/Identifikohen gjenet që kontrollojnë kripën në organizëm

Politiko 9 Maj 2018, 09:42
Studimi/Identifikohen gjenet që kontrollojnë kripën në

Studimi më i madh i cili ka analizuar efektet gjenetike në shtypjen e gjakut, ka ndërlidhur disa versione të ndryshme të gjeneve, të cilat kontrollojnë nivelin e kripës në organizëm, një faktor i rrezikut për sëmundjet e zemrës dhe goditjen në tru.

Sipas Dr. Christopher Newton-Cheh, ajo që e veçon këtë studim është aftësia e gjenotipizimit të 30.000 njerëzve për të krijuar një lidhje me faktin që këto gjene shkaktojnë rritjen e nivelit të peptideve natriuretike dhe në këtë mënyre të ndërlidhen me shtypjen e gjakut.

Newton-Cheh, profesor pranë Fakultetit të Mjekësisë në Universitetin e Harvardit dhe në Qendrën për hulumtime gjenetike në Spitalin e Përgjithshëm në Massachusetts, ka shtuar se ende nuk është e qartë nëse këto njohuri do të shfrytëzohen në praktikën mjekësore, duke thënë se barnat të cilat shënjestrojnë gjenet, ndoshta nuk mund të jenë po aq efektive në kontrollimin e hipertensionit arterial sikurse barnat aktuale për mjekimin e tij.

Megjithatë ky studim jep të dhëna bazike për njohjen e mënyrës patofiziologjike se si shkaktohet shtypja e lartë e gjakut.

Shkencëtarët kanë analizuar variantet e dy gjeneve për këto peptide: peptidit natriuretik atrial (ANP) dhe peptidit tip-B natriuretik (BNP).

Ata kanë gjetur tre variante nga këto peptide, të cilat janë të lidhura me nivelet më të larta të peptideve, të cilat në këtë mënyrë ulin shtypjen e gjakut.

Nivelet larta të peptideve çojnë drejt uljes së shtypjes së gjakut sepse “këto molekula janë të dizajnuara në atë mënyrë që ta largojnë kripën nga organizmi dhe të relaksojnë enët e gjakut”, ka shpjeguar Newton-Cheh.

Të fundit