Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Stuhia shkakton dëme në bujqësi, nga përvoja fermerët nuk presin ndihmë

Politiko 12 Shtator 2017, 13:18
Stuhia shkakton dëme në bujqësi, nga përvoja fermerët

Erërat e forta dhe shiu që ra me intensitet të lartë pasditen e së hënës ka shkaktuar dëmtime të mëdha në pemët frutore si dhe serrat e mbuluara me plastmas.

Stuhia e cila ka përshkuar nënprefekturën e Lushnjes nuk ka kursyer as tabelat e hekurta të vendosura në autostradë apo dhe tabelat reklamuese.

Mbjelljet e vjeshtës për dhjetëra fermerë kanë dështuar sapo kanë nisur duke shkaktuar dëme të mëdha në sferën e bujqësisë.

Nga erërat e forta janë dëmtuar totalisht të paktën 4 serra me sipërfaqe nga dy deri në katër dynymë, ndërsa dëmtimet e plastmasit mbulues kanë qenë pothuaj në 60 përqind të serrave.

Një prej fermerëve të dëmtuar nga moti i keq u shpreh për “Top Channel” se janë të paktën 2 milionë lekë të vjetra dëm në serrën e tij, pasi plastmasi është pothuajse i papërdorshëm.

Drejtoria e Bujqësisë në Lushnje ka nisur në terren grupet e punës për të patur një pamje të plotë të dëmeve të shkaktuara nga stuhia e djeshme, por nga përvoja, fermerët nuk presin ndonjë ndihmë konkrete.

Të fundit