Flash News

Posta e mëngjesit/ Me 2 rreshta: Çfarë pati rëndësi dje në Shqipëri

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

KRYESORE

Sugjerimi i Mustafa Nanos për deputetët: Vetëm pak vetë duhen për të përmbysur dynjanë

Politiko 5 Tetor 2018, 20:33
Sugjerimi i Mustafa Nanos për deputetët: Vetëm pak vetë

Monologun e sotëm të emisionit ‘Provokacja’, gazetari Mustrafa Nano ja kushtoi rastit të Jeff Flake, senatorit republikan dhe i cili për shkak të detyrës iu desh të merrte pjesë në seancën dëgjimore të Brett Kavanaugh, i zgjedhuri i Trump për Gjykatën Supreme të SHBA-së dhe i denoncuar se ka ushtruar dhunë ndaj një vajze kur ishte në gjimnaz.

Flake vendosi të votonte në favor të tij, ndërsa nano ju referua momentit të qëndrimit të mbajtur nga senatori Flake në momentin kur disa gra filluan t’i hakërreheshin në ashensor.

“Vini re qëndrimin e senatorit përballë tyre. Ai rri me kokën ulur. Është i tulatur, i përulur, i ndrojtur gati i terrorizuar. Ato dy gra po i bënin gjyqin më të madh që i është bërë ndonjëherë në jetën e vet”, tha Nano.

Sipas tij, ky është një film edukativ për deputetët dhe zgjedhësit shqiptarë sipas Nanos.

“Sa më pëlqen kjo situatë. Është një film edukativ që unë do doja ta shihnin të gjithë deputetët tanë dhe kështu do kishin rastin të mësonin se si do silleshin me zgjedhësit e tyre. Por do doja ta shihnin dhe zgjedhësit për të mësuar se kanë gjithë të drejtën t’u kërkojnë llogari të zgjedhurve të tyre, për të mësuar se të zgjedhurit, nuk janë padronët e tyre, përkundrazi ata janë vetë padronët e të zgjedhurve. Sepse deputeti prandaj është zgjedhur që të dëgjojë zërin e tyre, që të përfaqësojë interesat e tyre, që t’u bëhet krah njerëzve në hallet e tyre. Ky është lloji i deputetit që ne meritojmë”, u shpreh pas videos Nano.

Pas qëndrimit të këtyre grave, senatori Flake ndryshoi mendim dhe nuk votoi për Kanavaugh dhe siaps Nanon ky rast tregon se carë ajën në gjendje të bëjnë edhe pak qytetarë.

“Ja pra se çfarë është në gjendje të bëjë një deputet i vetëm. Ja se ç’janë në gjendje të bëjnë vetë, pak qytetarë. Vetëm pak vetë duhen për të përmbysur dynjanë! Më besoni në atë që them, duhen vetëm pak vetë”, theksoi Nano.

 

Të fundit