Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Sulmet terroriste në Zelandën e Re: Udhëheqësit botërorë shprehin shqetësimin e madh për dhunën e pakuptimtë

Politiko 15 Mars 2019, 21:24

Sulmet terroriste në Zelandën e Re: Udhëheqësit

Udhëheqësit nga e gjithë bota kanë dënuar sulmet terroriste në dy xhamitë në Zelandën e Re, në të cilën 49 persona mbetën të vdekur. Franca dhe Britania e Madhe kanë rritur sigurinë pranë xhamive.

Sekretari i Përgjithshëm i OKB-së, Antonio Guterres bëri një deklaratë ku shprehte tronditjen e tij dhe i bëri thirrje të gjithë njerëzve kudo që punojnë me njëri-tjetrin, për të luftuar islamofobinë dhe për të eliminuar intolerancën dhe ekstremizmin e dhunshëm.

Në një deklaratë në Twitter, kancelarja gjermane Angela Merkel tha se ajo ishte thellësisht e pikëlluar nga sulmet dhe se ajo dënon urrejtjen raciste dhe aktet e terrorizmit.

Ministri i Jashtëm gjerman, Heiko Maas, foli gjithashtu për qeverinë gjermane, duke e quajtur sulmin ndaj njerëzve vetëm për shkak të fesë së tyre "një sulm ndaj të gjithëve" dhe duke i kërkuar Zelandës së Re të qëndrojë ‘e fortë’.

Erna Solberg, kryeministrja e Norvegjisë, vend ku 77 persona u vranë në një sulm të ekstremit të djathtë tetë vjet më parë, i ka bërë thirrje botës të luftojë ekstremizmin "në të gjitha format" pas sulmit, duke shprehur solidaritetin e saj me Zelandën e Re.

Kreu i shtetit të Zelandës së Re, Mbretëresha Elizabeta II, gjithashtu tha se ajo ishte thellësisht e pikëlluar nga sulmet. "Në këtë moment tragjik, mendimet dhe lutjet e mia janë me të gjithë Zelandezët e Re", tha ajo në një mesazh.

Kryeministri kanadez, Justin Trudeau shprehu ngushëllimet e tij duke thënë: "Shumë shpesh, muslimanët vuajnë humbje dhe dhimbje të paimagjinueshme në vendet ku ata duhet të ndihen më të sigurtë. Për të ecur përpara, ne duhet ta pranojmë diversitetin si burim fuqie dhe jo një kërcënim ". Edhe Kanadaja e njeh shumë mirë dhimbjen e sulmeve të tilla, pasi në vitin 2017, gjashtë vetë u vranë dhe shumë u plagosën pasi një agresor sulmoi myslimanët që adhuronin në Quebec.

Udhëheqësit e vendeve me shumicë myslimane gjithashtu kanë ofruar ngushëllimet e tyre. Bahreini, Kuvajti, Omani, Katari, Arabia Saudite dhe Emiratet e Bashkuara Arabe të gjithë dërguan mesazhe ngushëllimi.

Scott Morrison, kryeministri i fqinjit rajonal të Zelandës së Re, Australi – vendi origjinë i të dyshuarit për sulmet – tha se ai ishte "një terrorist ekstremist, i djathtë dhe i dhunshëm".

Franca, e cila është shtëpia e komunitetit më të madh mysliman në Europën Perëndimore, ka thënë se do të rrisë masat e sigurisë në xhami dhe vende të tjera fetare.

Presidenti i vendit, Emmanuel Macron, gjithashtu denoncoi "krimet e urrejtjes kundër xhamive në Zelandën e Re" dhe tha se Franca do të punojë me partnerët globalë për të luftuar terrorizmin.

Kryebashkiaku i Londrës, Sadiq Khan, e quajti lajmin për sulmet "zemërthyes" dhe kërkoi të sigurojnë komunitetet myslimane të qytetit, duke thënë se prania e policisë do të rritet rreth xhamive.

Papa Françesku denoncoi ato që ai i quajti "akte të pakuptimta dhune" në dy xhami.

Presidenti i SHBA, Donald Trump gjithashtu shkroi "ngushëllimet më të ngrohta dhe urimet më të mira" popullit të Zelandës së Re pas "masakrës së tmerrshme në xhami", duke shtuar "Zoti i bekoftë të gjithë!" Sekretarja e shtypit e Shtëpisë së Bardhë Sarah Sanders i përshkroi sulmet si një "veprim i ashpër urrejtjeje".