Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Sulmi i Metës ndaj Veliajt për lirinë e shtypit, Astrit Patozi: Një arsye falso për një luftë të vërtetë

Politiko 18 Gusht 2020, 20:05

Sulmi i Metës ndaj Veliajt për lirinë e shtypit, Astrit Patozi:

Ish-deputeti i Partisë Demokratike, Astrit Patozi, ka reaguar së fundmi pas deklartaës së Presidentit Ilir Meta, i cili doli hapur në mbrojtje të gazetares Beti Njuma, e cila është përfolur për ‘përplasje’ me kreun e Bashkisë Erion Veliaj, kur ishe drejtore e informacionit në Ora News.

“Jam sot me gazetaren Beti Njuma dhe familjen e saj të lënduar nga rrugaçëria e një pushteti të pacipë dhe brutal, por edhe me të gjithë kolegët e saj të cilët shantazhohen çdo moment”, shkruante ndër të tjera Presidenti në reagimin e tij.

Nëpërmjet një postimi në Facebook, Patozi shprehet se Veliaj dhe Meta janë më të sinqetë sot që po shahen "me libër shtëpie", se sa në kohën kur hiqeshin si burra shteti.

Sipas kreut të Bindjes Demokratike, Veliaj dhe Meta mund ti kishin shpallur luftë njëri-tjetrit për tema të tilla si lejet e ndërtimit, tenderat e bashkisë, planet e zhvillimit të Tiranës e deri tek dorovitja e atyre, që mediat i kanë biznese apo bizneset i kanë media, teksa e konsideron arsyen për gazetaren si një "arsye falso për një luftë të vërtetë".

Reagimi i Plotë:

NJË ARSYE FALSO PËR NJË LUFTË TË VËRTETË

Ili Meta dhe Erjon Velija i paskan dhënë fund sot qetësisë pa dashuri, pikën ku ishte katandisur marrëdhënia e tyre, e cila në kohërat më të acarta të përplasjeve mes Presidentit dhe Edi Ramës, ishte paradoksalisht, sa e ngrohtë, aq edhe e përfolur. Natyrisht, që askush nuk ia ka konsideruar si meritë atë histori rozë, personale jo e jo, por as politike, secilit prej të dyve.

Ndaj edhe sot nuk besoj se ka njerëz të mërzitur nga sherri i tyre me marsh të fundit, ashtu siç nuk ka pasur edhe të lumtur nga flirti i dikurshëm okult dhe pragmatist, me disa përjashtime tmerrësisht të rralla dhe botërisht të njohura, të cilat e përforcojnë më shumë rregullin.

Por është e sigurt se të dy personazhet janë më realë dhe më të sinqertë sot, që po shahen me libër shtëpie, se sa dje, kur hiqeshin si burra shteti, të cilët gjoja nuk përfshihen nga emocione të forta politike. Që do të thotë se interesit publik i bëhet më mirë që ata të shfaqen në gjendjen e vet natyrore, pa filtra dhe pa grim, madje edhe në krye të çetave respektive, si për ta bërë edhe më të qartë tabllonë e atyre që ndajnë pushtet në Shqipëri.

Por ajo që më bën përshtypje është arsyeja që kanë gjetur për t'i shpallur luftë njëri-tjetrit. E cila është më e pagjetura, më nervangritësja, por njëkohësisht edhe më qesharakja. Sepse i bën të ngjajnë, mes të tjerash, edhe si njerëz pa pikë fantazie.

Mund të kishin gjetur një mijë shkaqe dhe pretekste të tjera dhe do të ishin në të drejtën e tyre. Dhe tema ka plot, që nga lejet e ndërtimit, tenderat e bashkisë, planet e zhvillimit të Tiranës e deri tek dorovitja e atyre, që mediat i kanë biznese apo bizneset i kanë media. Madje, secili duke e parë në dritën e këndvështrimit të interesave të veta. Siç kanë bërë gjithë jetën, në fakt.

Por jo lirinë e shtypit, sepse ka gjithmonë një kufi për të mos e bërë baltë fare raportin me të vërtetën. Sepse kur gënjen në të tilla përmasa, vjen një moment dhe të shohin me keqardhje edhe njerëzit e shtëpisë, ngaqë nuk të ndihmojnë dot.

Me sa duket ata, që të gjitha gjërat në jetë i bëjnë falso, e kanë të vështirë të gjejnë një motiv serioz edhe për t'u zënë me njëri-tjetrin. Dhe ky është tamam rasti.